San Lidanu Abati

Lidanu (Civitati d’Antinu, AQ, 1026 - Sezzi, LT, 2 di giugnettu 1118) è un Santu Abbati viniratu da Cresia Cattolica.

Aggiografìa

La matri si chiamava Cicilia. Trasìu a nov’anni no Munasteriu binidittinu di Munticassinu. Quannu ebbu vintun’anni, cu l’appruvazioni di l’Abati Richeriu I (1038-1055) e dû Viscuvu Pullidiu di Sezzi, cû patrimoniu da sò Famigha custruiu la Batia di Santa Cicilia e tri Archi sutta la Citati di Sezzi e addivintò abbati. La tradizioni voli ca duranti la custruziuni, vistu ca li tirrina eranu tutti ntâ paludi, c’eranu tantissimi buffi ca davanu fastidiu ê monaci. Chisti si occuparu da bonifica di tuttu lu territoriu e li pilligrini ca passavanu dâ Batia truvavanu ospitalità, cibu e assistenza spirituali e sanitaria. Si didicò â prijera e era canusciutu pî sò capacità di prufeta. Stetti nò Munasteriu pi sittantadui anni. Â sò morti, ca fu u 2 Jugnettu 1118, nascìu la solita sciarra tra dui paisi, Sezzi e Sermuneta picchì ognuna vulìa lu so Corpu. Lu Giudiziu di Diu, affidatu a un carru chi voj, fu a favuri di Sezzi e fu sippillutu nà Cresia du so Munasteriu, finu a quannu lu viscuvu Drusinu, nò stissu annu lu fici traspurtari na Cresia Cattidrali di Santa Maria di Sezzi.

Cilibbrazzioni

Nò 1312 fu didicata a Lidanu la campana granni dâ Matrici; nò 1473 u Magistratu da Citati s’impignò a òffriri un calici ogni dui anni. Papa Liuni X (1475-1521) cunfirmò lu Cultu; nò 1606 ci fu na Ricugnizioni dî Riliquii. San Carru di Sezzi, ca era franciscanu, purtava sempri di supra na Riliquia di San Lidanu. Lu Papa Piu VI lu 9 Aprili 1791 cuncidiu l’Ufficiatura Propria pa Festa dû 2 Jugnettu. La so mmaggini chù antica è supra nu Codici du XIV seculu, cu l’abiti binidittini, la Regula e lu pasturali d’Abbati.

Riliquii

Lu Corpu sanu sanu è sutta l’artari majuri da Cattidrali di Sezzi. U craniu è dintra nu Riliquariu a bustu du 1500, ristauratu di curtu.

Bibbliografia

Carru Luigi Abbenda, Vita e opiri di San Lidanu Abbati, Etic grafica, Latina, 1993

Liami