San Libbertinu
Libbertinu ( II seculu ? ) è un Santu viscuvu viniratu dâ Cresia Cattolica
Nutizzi biografichi[cancia | cancia la surgenti]
La tradizioni, pigghiata da liggenna aggiugrafica, ca Libbertinu fussi statu mannatu a Girgenti direttamenti di San Petru, oj non è accittata di nuddu storicu. Na Catidrali è sarvatu un quatru di Franciscu Narboni chi fiùri di San Petru e San Libbertinu. Si po’ affirmari ca fu lu primu viscuvu di Girgenti, vi diffunnìu lu Vangelu e ca fu martiri. Ci sunnu dui tradizioni: una lu fa moriri a corpi di petra, l’autra ca spata.
Lu martiriu forsi fu na pirsicuzioni dû ‘Mpiraturi Deciu (250) o di Diuclezianu (303) Lu viscuvu Lancia di Brolu scrissi ca la morti di Libertinu fu supra la muntagna di Crotali, curruzioni di Triòcala, oj Caltabillotta: lu Picuni dici ca putissi essiri na curruzioni da parola Akropuleus, nò significatu di furtizza, ma putissi essiri puri un locu unni criscinu li ciuri di narcisu. La basilica nica ca c’è no vadduni du ciumi Akragas- San Biagiu, a sud dû tempiu di Giunoni, è secunnu certi studiusi na Memoria di Martiri, unni ci sunnu dui sapurchi nò pavimentu unni foru sippilluti li Santi Libertinu e Pellegrinu. Lu cultu liturgicu di San Libbertinu accuminciò versu l’iniziu dû 1500 quannu fu pittata la so fiùra no tettu da Catidrali di Girgenti pi vuliri du viscuvu Julianu Cybu. Ntô 1600 fu custruita na Crisiedda ‘ntitulata o Santu supra a cullina da Citati. La festa è lu 3 nuvemmiri. E’ viniratu a Girgenti e a Favara.
Bibbliografìa[cancia | cancia la surgenti]
- Domenico De Gregorio, La Chiesa agrigentina - Notizie storiche Agrigento, 1996.