Nùmmuru cumplessu

Rapprisintazzioni grafica di nu nùmmuru cumplessu.

Nu nùmmuru cumplessu si pò difiniri comu n'esprissioni algèbbrica dû tipu $a+ib$ unni $a$ e $b$ sunnu nùmmura riali, e $i$ è l'unitati mmagginària, chi ô quatratu fa -1. La quantitati $a$ si chiama parti riali, e la quantitati $b$ si chiama parti mmagginària. Lu nzemi dê nùmmura cumplessi si ìnnica spissu cu la littra $\mathbb C$.