Luiggi Tencu

Luiggi Tencu (o Luigi Tenco n talianu) nascìu a Cassine lu 21 di marzu dû 1938 e murìu a Sanremu lu 27 di jinnaru dû 1967. Fu un cantauturi talianu, ma iddu prifiriva chiamàrisi cumpusituri. Hà avutu midenna n'espirienza ùnica cumu atturi cinematugràficu. La sò morti, attribbuita giniralmenti a suicìdiu mentri s'attruvava a Sanremu pi participari ô Festival dâ canzuni taliana, fu pi tantu tempu avvolta d'un vilu di misteru. È sipultu nnû cimiteru di Ricaldone.

Biografìa

Li nizzî

Nun canuscìu mai lu patri, Giuseppi, ca morsi 'n circustanzi mai chinamenti chiariti prima ca iddu nascissi. Arcuni vucìa^[1] affìrmanu ca Giuseppi nun era comunqui sò patri, e ca Luiggi fussi lu fruttu di 'na rilazzioni extracuniugali dâ matri, Tresa.

Trascursi la prima nfanzia tra Cassine e Ricaldone (paisi origginariu dâ matri) finu ca, nnû 1948, la famigghia si trasfirìu 'n Liguria, 'n prima a Nervi e poi a Gènuva, unni la matri aprìu un nigozziu di vini. Friquintò, cû discritu profittu, prima lu liceu clàssicu pi poi trasfirìrisi ô liceu scintìficu.

Duranti dd'anni funnò un gruppu musicali, la Jerry Roll Boys Jazz band (cumposta di Danilo Dègipo â battirìa, Brunu Lauzi ô banjo, Alfred Gerard â chitarra e iddu stissu ô clarinettu). Siguìu la custituzzioni dû gruppu li Diavoli del Rock cu Roy Grassi e Ginu Paoli.

Iscrìttusi â facultà di Ncignirìa, passò poi a chidda di Scenzi Pulìtichi. 'N stu pirìudu trasìu a faciri parti dû Modern Jazz Group di Mariu De Sanctis. Cu Marcellu Minerbi e Luiggi Coppola funnò un trìu, difinìtu schirzusamenti Trio Garibaldi, ca durò sulu na vintina di jorna.

Lu sò esordiu discugràficu cû gruppu I Cavalieri risali ô 1959. Lu gruppu - dû quali facìvanu parti Gianfrancu Reverberi, Pàulu Tomelleri, Enzu Jannacci e Nandu De Luca - ncidìu lu 45 giri Mai, siguìtu di n'àutru sìngulu, Mi chiedi solo amore. Fù 'n stu pirìudu ca Tencu aduttò lu psiudònimu di Gigi Mai.

Noti

Artìculu dâ seria Mùsica

ARTÌCULI E LISTI

Storia di la mùsica
Tiurìa | Gènira | Strummenta
Cumpusitura
Dirittura | Òpiri / Album / Gruppi

CATIGURÌI

Mùsica | Gruppi
Cantanti

↑ Aldo Fegatelli Colonna, Luigi Tenco. Vita breve e morte di un genio musicale, ISBN 88-04-50087-5, pag. 23-25

Culligamenti a siti sterni

[1] Aldo Fegatelli Colonna, Luigi Tenco. Vita breve e morte di un genio musicale, ISBN 88-04-50087-5, pag. 23-25

[1]