Innu di Sicilia
Nni l'ùrtimi anni l'Assimbrea Riggiunali Siciliana scigghìu lu l'innu sicilianu ufficiali, chiamatu Matriterra (pi sicilianu) o Madreterra (pi talianu).
Ma prima di sta scelta, jennu darreri, cc'èranu àutri canzuni chi a nu tempu o n'àutru vìnniru cunziddirati comu un innu di Sicilia.
Ìndici |
[cancia] Òpira di Vicenzu Bellini
Tali asempiu è lu duettu spinciusu Suoni La Tromba dû Secunnu Attu di l'òpira di Vicenzu Bellini: I Puritani. Vinni rapprisintata pâ prima vota a Pariggi lu 25 di jinnaru, 1835. L'abbinimenti s'ammàttinu duranti la guerra civili di Nghilterra nni l'anni 1640.
| Talianu | Sicilianu |
|---|---|
| Suoni la tromba e intrepido, | Soni la trumma e attrivitu, |
| io pugnerò da forte: | ju cummattu forti: |
| bello è affrontar la morte, | beddu è scuntrari a la morti, |
| gridando libertà. | abbanniannu libbirtati |
| Amor di patria impavido | Amuri di patria senza scantu |
| mieta i sanguigni allori, | meti li sanguigni addàura, |
| poi terga i bei sudori | poi pullizzìa lu beddu sbromu |
| e i pianti la pietà. | e li chianti la pietà |
| All'armi! | A l'armi! |
| Sia voce di terror | Sia vuci di tirruri |
| Patria, vittoria e onor! | Patria, vitturìa e anuri! |
[cancia] Sicilia Patria Mia
- Jardinu di bidhizza e di splinnuri,
- Isula jittata 'n-menzu di lu mari,
- Terra filici chî so tanti ciuri,
- nun n'abbàstanu l'occhi pi taliari.
- Cca li tri Cuntinenti s'incuntraru
- pi dàrisi la manu o pi luttari,
- Adi e Pirsèfuni si maritaru;
- amuri e sangu sempri a cuntrastari.
- Sicilia, Sicilia, tutti cèrcanu a Idha,
- Sicilia, Sicilia, di civirtati stidha,
- china di luci e vita,
- amuri e fantasìa,
- Sicilia, Sicilia, Tu si' la Patria mia.
- Cca vìnniru li Greci e Saracini
- chi s'immiscaru poi cu li Nurmanni:
- un Populu chi senza li catini
- avìa un Regnu riccu, forti e granni.
- A cu' la mala signurìa ni detti
- dèttimu cu lu Vespru na lizioni;
- arrispunemu juncènnunni tutti
- e tannu addivintamu na Nazioni.
- Sicilia, Sicilia...
- Cu Garibaldi la Sicilia critti
- d'avìrinni ricchizza e libirtati;
- n'arrispunneru cu li bajunitti,
- emigrazioni, mafia e puvirtati.
- Mentri parìa ca jìamu tutt' ô funnu
- si senti un gridu di l'antichi tempi;
- dici 'a Sicilia 'n-faccia a tuttu 'u munnu:
- "Nuatri semu un Populu pi sempri!".
- Sicilia, Sicilia...
[cancia] Rose Di Sicilia
N'àutra canzuna laudata pû stissu modu, era: Rose Di Sicilia'. Li palori foru scritti di Attiliu Castrugiuvanni mentri ca era 'n càrciri duranti l'anni 1940, e la mùsica vinni scritta di sò soru. Ccasutta si vidi lu riturnellu e l'ùrtimu versu:
- O libbira Terra,
- ritaggiu di l'avi,
- arrisviglia l'ignavi
- da lu longu tirpuri.
- Rinnova di li vespiri
- l'urgogliu e la fidi:
- si lotta, si cridi,
- si vinci e si mori.
- Un innu di guerra,
- frati me', risoni,
- la Matri nni chiama...
- cu resta e nun va?
- Sicilia, Sicilia,
- semu tutti liuna,
- giurammu ed avirrai
- la to Libbirtà:
[cancia] Innu ufficiali
L'innu chi ora è chiddu ufficiali dâ Sicilia, vinni arriscidutu dû Prisidenti Sarvaturi Cuffaru. Fu cumpunutu dû Maistru Vicenzu Spampinatu e si chiama Matriterra (o Madreterra pi talianu). Li primi e l'ùrtimi versi pi talianu (cci nni sunnu cincu) sunnu li sèquiti:
- Madreterra
- Sei tu il sorriso che fa ritornare
- sei la Montagna di cui senti il cuore
- con l'universo non ti cambierei!
- Madreterra di Uomini e Dei
- Sicilia terra mia triangolo di pace per il mondo
- Sicilia terra mia tu « rosa aulentissima » nel tempo
- Sicilia terra mia bandiera liberata in mezzo al vento
- Sicilia sei così... il paradiso è qui!
[cancia] Lijami di fora
- SicilyPage, nfurmazzioni di l'innu ufficiali e àutri canzuni
- Riggiuni Siciliana, si pò scarricari la mùsica
