Crapa Maltisa
La crapa maltisa, comu lu stissu nomu fà capiri, è urigginària di l'ìsula di Malta, mentri ca aoggi è diffunnuta nta tutti di paisi dû miditirràniu, ma è addivata chiossai ntâ Sicilia e macari ntô tirritòriu talianu centru miridiunali. Pruduci assai latti: di 500 a 600 kg di latti ntî 270-300 jorna, macari si addivata unni li cunnizzioni dû clima sunnu p'idda a sfavuri, abbasta ca veni tinuta intra la stadda.
Sta crapa a li voti è senza corna e àutri voti, mmeci, l'havi nichi nichi; la curpuratura è nicaredda (àuta 60–70 cm, pisu 40–60 kg); li zìtula sù longhi di culuri jancu-giallastru e tanti voti câ pizzatura nìura; la testa è nica cu granni aricchia, longhi, làrichi e pinnenti.