Borsa di studiu

Dâ Wikipedia, la nciclupidìa lìbbira.
(Rinnirizzata di Borsa ri studiu)

Na borsa ri studiu è n'aiutu finanziariu ppi studènti ppi fàricci fàri studii supiriuri. Li finanziamenti sunu assignàti ccu divèrsi criteri ca di solitu riflettunu li valori, a cultura e l'ubbiettivi di lu dunaturi o di lu funnaturi di lu premiu.

Carattiristichi[cancia | cancia la surgenti]

I tipi cchiu cumuni di borsi ri studiu pònu ssiri classificati comu:

  • Basatu supra lu mèritu: Sti prèmi si bbasanu supra l'abbilitati artistichi, accademichi o attletichi.
  • Basatu supra a lu bisognu: Sti prèmi sunu basati duoppu ca si cunzìdiranu i pussibbilitati icunomichi da famigghia di lu studenti.
  • Spicifichi ppi lu studènti: Ppi sti borsi di studiu li studènti ca fànu a dummanna anu a dichiarari a propria razza, sissualitati, riliggioni, ducumentazzioni mèdica o tanti jautri fatturi spicifichi ca 'ntiressanu lu studenti. Li borsi di studiu ppi li minuranzi etnichi sunu li borsi di studiu cchiu cumùni 'nta sta caticurìa.
  • Spicifichi pâ carriera prufissiunali: Sti borsi di studiu sunu assignati di nu cullègiu o di n'univirisitati ppi li studènti ca stanu pruggittannu di spicializzàrisi ntâ nu spicificu campu di studiu. Spessu l'aiuti finanziari vènunu dati a chiddi ca sciegghiunu di spicializzàrisi nta arii ca sunu richiesti assai comu nta l'iducazzioni.

Certi borsi di studiu janu vinculi ligali. Chiddi ca arricevunu a borsa ri studiu anu l'obbrigu di travagghiari ppi nu particulari daturi di travagghiu ppi nu spicificu piriòdu di tiempu o di travagghiari nta arii isulati o rimoti; sinnò ci addummannanu n'arrieri i sordi ca ci rèsiru mèntri ca sturiaunu.

Borsi ri studiu lucali[cancia | cancia la surgenti]

Alli vòti li pirsuni pònu attruvari borsi di studiu nta li paisi d'urìggini. 'Nfurmazzioni supra a sti uppurtunitati si ponu attruvari macàri addummannanu a pirsuni dò locu, urganizzazzioni, canuscenti, amici e parienti.

  • Cunsigghieri sculastici: Quannu studènti di scola supiriuri isploranu uppurtunitati di borsi di studiu, a maggiuritati di studènti addummannanu cunsigghiu ei cunsigghieri sculastici. Iddi pònu ssiri fonti affidabbili ppi borsi di studiu lucali.
  • Urganizzazzioni Non-profit e Funnazzioni Caritatevuli: A maggiuritati di l'urganizzazzioni non-profit janu funnatu a nu certu puntu dâ loru storia borsi di studiu ppi studènti.
  • Funnazzioni cumunitarii: Nu munzieddu ri paisi, cittati e riggioni janu ntâ funnazzioni lucali didicata a dari sorda comu borsi di studiu a pirsuni e urganizzazzioni dâ propria zona.
  • Lochi di cultu: Lu locu di cultu lucali putissi o nun putissi aviri borsi di studiu piei fideli, ma forsi ca forsi l'urganizzazzioni riliggiosi o li centri dirizziunali putissiru aviri 'nfurmazzioni ppi cursi di tiuluggìa.
  • Camìra dô cummerciu: Nu munzieddu di camìri dô cummerciu putissiru uffriri borsi di studiu ppiei studènti da cumunitati, spiciarmenti a chiddi ca stanu pinzannu a carrieri nta lu munnu di l'affari e di lu sirbizzu pubbricu. Macari si nun u fanu di sòlitu ponu dàri listi di iscritta ca li rununu e na puocu di chissi ranu borsi di studiu a li studènti lucali.
  • Autri urganizzazzioni umanitari: Nu munzieddu d'urganizzazzioni offrunu borsi di studiu a studènti ca anu intiressi ca cuincidunu cu chiddi ca tratta l'urganizzazzioni. Pa isempiu, sucitati prufissiunali putissiru aiutari li studi di studènti ca s'addistinguerru nta na manèra iccizziunali 'nta na riggiuni.
  • Scola: Scoli canusciuti, antichi spessu anu aiuti finanziari ppi studiari.
  • Univirsitati: Univirsitati canusciuti o antichi putissiru aviri sorda ppi finanziari studènti ca anu talentu. Ppi ssiri aiutatu icunomicamenti lu studènti avissi a fari parti a spiciali catigurii o essiri tra li miegghiu da nazzioni. Cumunqui maggiuri 'nfurmazzioni si ponu aviri a l'uffici di sicritirìa macari comu uppurtunitati interni.

Autri funti di nfurmazzioni supra li borsi di studiu ponu essiri i bibbilutechi, li ggiurnali, i paggini gialli, e li muturi di ricerca supra a internet.