Aceddu

Dâ Wikipedia, la nciclupidìa lìbbira.
(Rinnirizzata di Acedda)
Aceddi
Èbbica dû fòssili: Tardu Giuràssicu - Ricenti
Pieni 2 0622.jpg
Classificazzioni scintìfica
Regnu: Animalia
Filu: Chordata
Suttafilu: Virtibrata
(senza classificazzioni) Archosauria
Classi: Aves
Linnaeus, 1758
Aceddi
classi: Aves
òrdini (e suttòrdini) (dittagghi nta /Classificazzioni)

suttaclassi Neorniti

L'aceddi (Aves) sunnu na classi di virtibrati, armali a sangu càudu (omeotermi), bìpedi di cui l'arti antiriori si trasfurmaru 'n ali. L'ossa sunnu vacanti. Sparti sunnu carattirizzati dû fattu d'èssiri ricuperti di pinni, chi cci cunfirìscinu ariudinamicità. Sunnu quasi tutti vulaturi.

L'aceddi sunnu l'ùnici discinnenti viventi di l'òrdini estintu dî Dinosàuri.

Li adattamenti chi pirmèttinu lu volu sunnu li siguenti:

  • Li pinni, sunnu capaci di sustiniri l’armali ntô volu e fari scùrriri megghiu l’aria supra la superfici.
  • L'ali, dirivanti dî iammi antiriori.
  • Lu pettu carinatu, chi pirmetti la nzittatura dî putenti mùsculi pitturali, nicissari pû volu.
  • L’andatura bìpedi, nicissaria pi libbirari l'ali dû còmpitu di sustiniri lu corpu.
  • L'ossa cavi, chi cuntèninu sacchi d'aria culligati chî purmuni.