Fleccia

Dâ Wikipedia, la nciclupidìa lìbbira.
Na fleccia

La fleccia, chiamata puru ciunna o sciunna è n'arma di lanciu manuali. Si cumponi di na mpugnatura ca s'abbifurca nti du' rami. Li du' pizza sunnu junciuti di nu lazzu elasticu ô cui centru veni misa na toppa unni veni alluggiatu lu proiettili.

Cenni storici[cancia | cancia la surgenti]

Già nti l'antichitati la fleccia era usata comu arma. S'attrova pi esempiu nti l'Eneidi, mpugnata da Mezenziu duranti la guerra tra italici e troiani: cu na fleccia lu tirannu etruscu ammazza nu picciottu siculu figghiu di Arcenti, ca avìa lassatu la sô patria pi aggrigàrisi a Enea. Ntâ Bibbia è Davidi a ammazzari cu na petra tirata cu na fleccia lu gigantescu filisteu Golia.

Ê jorna nostri[cancia | cancia la surgenti]

La fleccia, pi la sò simplicitati di costruzzioni è usata ê jorna nostri cchiossai comu jocu. Li carusi la custruisciunu iddi stissi e na vota ca è finuta pònnu tirari versu birsagli ca pònnu essiri buttigghiuzzi, ô lucertuli ntê campagni.