Wikipedia:Pàggina discussioni

La Pàggina Discussioni è na pàggina situata a latu dî pàggini di l'artìculi o puru a latu dî pàggini dî soci riggistrati chi servi pi sviluppari li discussioni chi nurmalmenti la ridazzioni di l'artìculi pruvoca. Nun avissi a èssiri usata pi l'argumenti e sciarri forti; ugualmenti cumunicazzioni pirsunali nun cci avissiru attruvari nenti postu.

Comu criari na pàggina Discussioni

Cci abbasta cliccari supra la tabbella discussioni e putiti accuminzari a scrìviri li vostri pinzeri.

Comu usari li pàggini Discussioni

Li pàggini discussioni dî soci vennu usati spicificamenti pî cumunicazzioni drittamenti cu lu sociu.

Siddu ntinniti mmeci discurriri lu testu dûn artìculu, criati e usati la pàggina discussioni di l'artìculu chi vi ntiressa. Li pàggini discussioni sunnu spissu ntirissanti e si tràttanu di n'alimentu nicissariu e prizziusu di ssu tipu di enciclopedìa.