Utenti:Io' 81/Mokarta

La canzuni Mokarta è la traccia nummuru cincu di lu album Shams di la band missinisi Kunsertu. Lu branu, cumpunutu nô 1989 di Maurizio Mastroeni e Pippo Barrile ('st'autru la canta) è 'na notturna didicata a 'na fimmina cu' lu nomu Rosa e lu testu s'aspira a brani classici di lu repertorìu tradizìonali côltu di la musica siciliana, quali pir asempiu ...E vui durmiti ancora! (testu origìnali di Giovanni Formisano e sonato di Gaetano Emmanuel Calì) o a lu celebri passu Rosa fresca aulentissima di Cielu d'Alcamo di unni pìgghia lu nomu pâ carusa oggettu di lu amuri di lo pueta.

Lu branu musicali arrisutta essiri 'mmeci cuntaminatu di lu acid jazz, di lu rock, di lu acoustic e di lu world music (lu geniri fu chiamatu di l'autura "sbrong").

Pozza lu sciogghimentu di lu gruppu arristau lu "cavaddu di battagghia" di lo cantautori Pippo Barrile.

Lu testu

Lu testu si pò dividiri 'n dui parti principali e lu liganti è la musica.

La prima parti è cumpunuta di tri strofi, cà si ponu cunzidirari la parti "puetica" di lu testu, mentri la secunna parti è la ripetizioni di 'na frasi (...e nesci Rosa, t'ha diri 'na cosa) ca putemo cunzidirari chiù "pragmatìca" e ardimintusa. La prima parti è cumpunuta accusì:

• Ni la prima strofa lu cantanti s'arrivolgi direttamenti a Rosa, lu nomu mìsu di la matri, chiddu di lu chiù beddu ciuri di lu Paradisu.

• Ni la sicunna strofa lu prutagunìsta saluta li lochi chi ama (la strata, la finestra unni è ammucciata 'na rosa "di li rosi ammuttunata"), pirchì lijati a la bedda cà ci tinìu in peri la so' vita. Particolarmenti accaluriata la frasi ti salutu strata cu 'na vampa allu cori e vuci ardita.

• Ni la terza strofa lu cantanti capìu cà 'un c'avi chi òffriri, solu 'na canzuni e la so' vuci - l'unucu donu ca c'appi di la vita - pirchì pueti sunaturi e stampasanti camparu sempri poviri e pizzenti.

Ddoppu 'n'avoluzìoni musicali di lu sassofùnu, cui ci veni appressu la chitarra acustica cà cunchiuri l'intermezzu, avemu la parti tirminali unni lu pueta torna a parrari câ carusa e quasi comu 'nu 'mperativu chiuri cu' la frasi e nesci, nesci Rosa!!!.

La musica

Comu dissimu lu genìri è 'na mesculanza tra acid jazz, world music, rock, acoustic, ca crìunu lu "sbrong". Li accordi nun nesciunu di lu rapportu semplici DO-RE-MIm, arrestunu assenzialmenti supra la prima nota, dununu accussì chiù spazìu a lu raccordu tra li strumenta (batteria, chitarra elettrica, bassu, sassofùnu, pianola) e la vuci (solu e coro).

'Na parti funnamentali l'avi lu sassofùnu, ca riempìi l'attimu d'attisa ca pripara a lu preludiu in MIm, cu' lu secutu di lu assòlu di chitarra acustica.