Telescopiu Spazziali James Webb

Lu telescopiu quannu era n priparazzioni ntê labboratoria di l'ESA.

Lu Telescopiu Spazziali James Webb (JWST) è lu telescopiu spazziali cchiù putenti mai custrujutu, pruggittatu pi esplurari l'universu nta dittagghi mai visti prima. Lanciatu lu 25 di dicèmmiru dû 2021 a bordu di nu razzu Ariane 5 dâ Guyana francisi, è lu risurtatu di na cullabburazzioni ntra la NASA, l'ESA (Agginzìa Spazziali Europea) e la Agginzìa Spazziali Canadisi**.

A diffirenza dû pridicissuri, lu Telescopiu Hubble, lu JWST osserva principalmenti nnê raggi infrarussi, pirmittennucci di sbirciari li galassi cchiù luntani e antichi, furmati picca doppu lu Big Bang. Grazzi ô so specchiu primariu di 6,5 metri di diamitru, cumpunutu di 18 sigmenti di birilliu esagunali rivestiti d'oru, acquisisci mmàggini cu na risuluzzioni straurdinaria.

Si trova a 1,5 miliuna di chilòmitri dâ Terra, nnô puntu di Lagrange L2, unni la ntirfirenza sulari e tirrestri è ridutta ô minimu. Lu sò scudu di caluri a cincu strati, granni comu nu campu di tennis, lu pruteggi dû caluri dû Suli, mantinennulu a timpiraturi assái vasci nicissari pi l’osservazzioni a infrarussi.

Li sò missioni cumprennunu lu studiu di l'esupianeti, la furnzzaioni dî stiddi, pirtusi neri e galassi primurdiali, ajutannu a rispùnniri a dumanni funnamintali ncapu l'urìggini di l'universu.