Spidizzioni dî Milli
La Spidizzioni dî Milli fu unu di l'episòdi cruciali dô Risurgimentu.
Si svolgiu dû 1860 ô 1861, quannu milli vuluntari, cumannati di Giuseppi Garibbaldi, partèru la notti tra lu 5 e lu 6 di maiu di Quartu (nu subburgu di Gènuva e appoi parti dû Regnu di Sardigna) pâ Sicilia, chi facìa parti dû Regnu dî Dui Sicili L'obbiettivu dâ spidizzioni era chiddu di ruvisciari lu cuvernu borbònicu e sustèniri li rivolti ca avìanu scuppiatu nti l'ìsula L'òmini di Garibbaldi sbarcaru l'11 di maiu vicinu Marsala e, cu l'aiutu di vuluntari miridiunali e rinforzi pâ spidizzioni, aumintaru di nùmmaru, criannu l'Armata dû Sud
Doppu na campagna ca durò quarchi misi e ca cumprinnìu diversi battagghi vitturiusi contra l'esercitu burbònicu, li Milli e l'esercitu miridiunali appena furmatu arrinisceru a cunquistari tuttu lu Regnu dî Dui Sicili, pirmittennu la sò annissioni ô nascenti Regnu d'Italia.