Stanislau Konarski
Stanislau Konarski ('n pulaccu: Stanisław Konarski; lu nomu riali: Hieronim Franciszek Konarski; natu lu 30 di sittèmmiru 1700 a Żarczyce; murìu 3 di austu 1773 a Varsavia, Pulonia) era nu pedagogu pulaccu, nu rifurmaturi aducativu, nu scritturi pulìticu, nu pueta, nu drammaturgu, nu mònacu di Piari (Sculopi) e lu pricursuri principalu di l'Illuminismu 'n Pulonia.
Konarski studiau 1725-27 a lu Collegium Nazarenum a Roma, unni addiveni nu nzignanti di ritòrica. Doppu ca, viaggiau attraversu la Francia, la Germania e l'Austria pi stènniri la sò aducazzioni.
Nta lu 1730 arriturnau 'n Pulonia e cuminciau nu travagghiu supra na nova edizzioni di liggi pulacca (Volumina legum).
Di 1736 Konarski nzignau a lu Collegium Resoviense 'n Rzeszów e nta lu 1740 iddu funnau lu Collegium Nobilium, na scola di Varsavia d'aliti pi figghi di la nubburtati minura ("szlachta"). 'N sèquitu, arrifurmau l'aducazzioni di Piari 'n Pulonia, cunformimenti a lu sò prugramma aducativu (Ordinationes Visitationis Apostolicae..., 1755). Li sò riformi addivìnniru nu puntu mpurtanti nta la lotta di XVIII sèculu pi mudirnizzari lu sistema aducativu pulaccu.
A lu nizziu, Konarski fu assuciatu puliticamenti cu lu rè Stanislau Leszczynski; cchiù tardi, cu la "Familia" di Czartoryski e lu rè Stanislau Augustu Poniatowski participannu a li famusi "pranzi di jovidìa". Stanislau Augustu Poniatowski vosi chi na midagghia fussi cuniata a l'onuri di Konarski, cu lu sò ritrattu e l'iscrizzioni benemèrita latina Sapere auso.