Savate
La Savate è na disciplina sportiva nata ntê quarteri cchiù pòvuri e malfamati di Pariggi ntê primi anni di lu ottucentu.
Trai urìggini dû "chausson", nu mètudu di difisa militari basatu principarmenti supra l'usu dî pedi, e ben prestu si diffunni macari ntê strati cchiù ricchi dâ sucitati pariggina. P'addistinchìrisi dû puggilatu o boxu ngrisi, assumi la dinuminazzioni di Boxu francisi, macari siddu lu nomu di "savate" è chiddu chi arristau nta l'usu cumuni. Ô nizziu li tècnichi putìanu èssiri esiquiti surtantu cu li pedi, ma dû 1820 vìnniru ntrudutti li corpi a schiaffu cu li manu e ntô 1830 li cuntinnenti accuminzaru a usari li guantuna di boxu.
Apprudata 'n Italia ntô 1898, la Savate veni attuarmenti pratticata 'n tutta Europa e ntê paisi francòfuni d'Asia, Africa e Nord America.
Attuarmenti li megghiu scoli arrèstanu chiddi francisi, ma macari 'n Italia si pripàranu òttimi attileti. 'N modu spiciali 'n Liguria c'è na forti tradizzioni a stu sport c'acchiana ê primi dû novicentu, nun a casu s'attròvanu tuttura ntê manuali arcuni corpi addifiniti â ginuisa chi sunnu tuttavìa 'n disusu ntâ pràttica agunìstica a càusa dâ priculusitati.
Àutri arti marziali europei[cancia | cancia la surgenti]
Liu-Bo (arti marziali siciliana)