Granieri

Dâ Wikipedia, la nciclupidìa lìbbira.

Granieri è 'na frazzioni dû cumuni di Caltaggiruni, distanti 18 chilòmitri, cù 400 abbitanti.
Granieri era un feudu ca appartinìa a la Barunìa di Fetanasimu, ma fu spartuta di chista senza sapiri comu.
Lu feudu appartinni a Ruggeru Scolaru di Licudìa ca nni fici dunazzioni ô Monasteriu di S. Nicola 'a Rina di Catania nnû 1365.
Appartinni a li mònaci sinu ô 1866 quannu passau ô Demaniu e poi, nnû 1869, fu spartutu e vinnutu all'asta.
Lu primu proprietariu fu lu cav. Antoninu Silvestri, ca nnû 1885 ci fabbricau na granni massarìa.
Nnû 1925 si fabbricaru li primi casi e accussì nascìu la burgata di Granieri.
L'abbitanti sunnu origginari, principalmenti, dâ pruvincia di Rausa.
L'occupazzioni principali è l'agricultura câ cultivazzioni dâ racina di manciari.
Nnâ burgata fabbricaru na chiesa a San Giuvanni Battista, ca si fisteggia lu 29 di austu di ogni annu, assemi a la Sagra dell'Uva.

Massaria Silvestri

Liami[cancia | cancia la surgenti]