"Caltaggiruni" : Diffirenzi ntrê virsioni

Dâ Wikipedia, la nciclupidìa lìbbira.
Contenuto cancellato Contenuto aggiunto
Etichetti: Canciu di apparecchiu mòbbili Canciu dû web pi apparecchiu mòbbili
Etichetti: Canciu di apparecchiu mòbbili Canciu dû web pi apparecchiu mòbbili
Riga 79: Riga 79:
''ê debbituri nostri.''
''ê debbituri nostri.''


''E nun ni lassari cascari 'n tentazzìune,''
''E nun ni lassari cascari 'n tentazzìuni,''


''ma lìbbirini rû mali, AMEN.''
''ma lìbbirini rû mali, AMEN.''

Virsioni dû 03:28, 25 giu 2020

Caltaggiruni
Dittagghi: Stemma di Caltaggiruni
Muttu: Urbs Gratissima
Nomu ufficiali: Caltagirone
Riggiuni: {{{riggiuni}}}
Pruvincia: Catania
Cuurdinati: 37°14'0"N, 14°31'0"E
Ammustra ntâ mappa
Superfici: 382 km²
Abbitanti: 38.220
Dinzitati: 96 ab./km²
Cumuni cunfinanti: Acati, Gela, Grammicheli, Licuddìa, Mazzarinu, Mazzarruni, Miniu, Mirabedda Mbaccari, Niscemi, Chiazza , San Micheli di Ganzaria
CAP: 95041
Prifissu telefònicu: 0933
Situ ufficiali: http://www.comune.caltagirone.ct.it/


Caltaggiruni (Caltagirone in talianu) è nu comuni di 37 953 abbitanti dâ Cittati metrupolitana di Catania. È luntana 68 km dû sò capulocu pruvinciali Catania e 195 km dû sò capulocu reggiunali Palermu. È lu quintu comuni cchiù populatu dâ Città metrupolitana e lu primu pi grandizza territoriali. È lu 23 comuni dâ Sicilia pi populazzioni e lu quintu pi grandizza. È sedi piscupali dû 1816. È capulocu di nu vastu comprensoriu territoriali, chiamatu Calatinu e Sud Simetu, ca è nnâ parti meridionali di lu enti metrupolitanu di oji.

Centru urbanu misu centralmenti intra la Sicilia centrali, chiḍḍa orientali e lu litoriali meridiunali, è celebri pâ produzzioni dâ ciramica, a quali la rendi lu maggiuri centru reggiunali e unu di cchiù impurtanti d’Italia. Fu pi ultra dui millenni nu puntu strateggicu di controllu pi multi populi ca contrullavunu li chiani di Catania e Gela, intra di cui bizzantini, arabbi, genuvisi e nurmanni. È macaru nu impurtanti centru agriculu, pi so grandi campagni.

Lu centru storicu avi lu titulu di Patrimoniu di l’umanitati di l’UNESCO dû 2002, facenti parti dû consorziu du Vaḍḍu di Notu, inzemmura a Catania, Militeddu, Scichili, Muorica, Rausa, Notu e Palazzolu.

L'etimoluggìa diriva di l'àrabbu Q'al'at jiran (appoi trasfurmatu in Kalta-jiran), ca signìfica dui Casteḍḍi vicini.

Oji, ultra lu celebri centru storicu, la città avi macaru n'area abbitata di etati recenti, undi putemu truvari alcuni importanti vii, palazzi, lochi e chiazzi centrali dâ cittati. Chista parti dâ cittati è oji lu cori urbanu dû comuni.

Frazzioni

Giamillaggi

Nasciuti a Caltaggiruni

Dialettu

Ultra lu talianu, a Caltaggiruni si parra lu sicilianu, nnâ sò varietati lucali (chiamata caltaggirunisi o cattaggirunìsi nnâ grafìa lucali), chi fa parti dû dialettu sicilianu orientali, comu macaru li dialetti di Catania e Saràusa, dê quali pirò si rendi distintu pâ presenza di nu storicu substratu dâ lingua liguri, ca lu rendi peculiari dê autri dialetti dû stissu tipu, e midemma dê dialetti gaḍḍu-italici di Sicilia, comu chiḍḍi di Chiazza o Nicusìa, ê quali veni comparatu a tortu. Comu in autri dialetti siciliani, esistunu influenzi francisi, castigghiani, catalani, arabbi, greci e pruvenzali. N'autra cosa ca va menziunata è macaru la sò natura di dialettu di transizziuni intra lu orientali e lu centrali metafoneticu.

Nnû dialettu esistunu, a livellu di fonetica e fonoluggìa, elementi non cumuni dû sicilianu standard, comu la vucali centrali chiusa ô postu dê vucali [i], la lenizziuni intervucalica a centru di palora (in modu particulari dû sone /s/, ca si trasforma in /z/, macaru pirò dâ ʧ/, ca si trasforma in /ʒ/), li vucali nasali (li quali currispundunu ê dittonga [nu], [na], [ni], [ne]) e li semicunsunanti in posizziuni centrali (palori comu ovu, arburu e lampiuni sunu n'asempiu).

A livellu morfologgicu, va fatta menzioni dê pesanti usu dê tempi composti p'indicari azziuni dû passate, li quali sunu preferiti ê tempi remoti, ca veninu utilizzati chiù pi autru a livellu espressivu (Jacupu ha rinzittatu a stanza). È assai cumuni lu rotacismu (durici ô postu di dudici, renti ô postu di denti, mannatu ô postu di mandatu, bamminu ô postu di bambinu, rossu ô postu di grossu). Assai cumuni è la contrazziuni vucalica a principiu di palora undi la geminazziuni si manifesta (ccattari, llumari, ddunarisi, ddubbarisi, cchiapparisi, llipparisi, ffruntarisi, ddivintari, mmuccari, mmucciarisi) o la geminazziuni consunantica nnû parratu (Mé (f)frati, comu (s)simu (c)cumminati (c)câ scola?). Si pò vidiri macaru na particulari metafunesi, ca trasforma u sonu /a/ in /o/ nnâ prima sillaba (olivi ô postu di alivi, oricchi ô postu di aricchi, sosizza ô postu di sasizza, oceḍḍu ô postu di aceḍḍa, cosetti ô postu di quasetti, coriari ô postu di quariari).

Oji, li tracci dâ lingua liguri sunu assai debbili, e chiù pi autru si pozzunu vidiri in alcuni particularitati in fattu di funetica. Qualcu lemma persisti macauru (carruggiu e scagnu li chiù lucali, mé figghiu, orbu, pumma, sociru sunu mmeci asempi di termini già presenti nnû restu dâ Sicilia). Alcuni cognoma chi hanu ḍḍa origgini o sunu assai diffusi ḍḍa, comu Grillu, Doria, Traversa, La Ferla, Marinu e Funtana, sunu presenti nnâ cittati.

Lu caltaggirunisi spissu ricogghi diversi elementi dê autri dialetti siciliani cu cui trasi in cuntattu: tanti voti, pigghia palori dû dialettu catanisi, in particulari li giovini e li abbitanti ca travagghiunu o studiuni nnû capulocu catanisi. L'influenza dû caltanissittisi si pò truvari in qualcu fenomenu di metafunesi ca in autri dialetti orientali sunu assenti (nuatri simu ô postu di nuatri semu), o in qualcu dittongu assenti nnê dialetti orientali (guaddari ô postu di vaddari, quinnici ô postu di chinnici). Picca è l'influenza dû ràusanu, ca è presenti sulu nnê caltaggirunisi ca travagghiunu nnâ Sicilia sud-orientali.

La scalazza di Caltaggiruni, dicurata dâ famusa ciramica

Lu dialettu caltaggirunisi nun avi une scrittura fissa: l'eggemonia dû talianu, la mancanza di nu veru standard di scrittura pû sicilianu e li particularitati in fattu di funetica e fonoluggìa creunu probblemi pi arrivari a na scrittura unica pi stu dialettu. Li soluzzioni preferiti sunu l'usu dê scritture ca vogghiunu éssiri lu standard dû sicilianu, o macaru usarili chisti cu qualcu variazziuni, comu p'asempiu l'omissiuni dê vucali finali (cuḍḍureḍḍ), l'usu dû grafema [e] ô postu di [i] (Ture manciàu a pasta chê cacocciure), l'usu di l'accentu pi indicari si la vucali è o nun è sonora (a vìta ti duna pìcca e nenti), li quali pozzunu éssiri n'anticchia chiù trasparenti nnâ littura.

Nnê frazziuni meridiunali de Graneri e Santu Petru, li comunitati parrunu lu dialettu sicilianu sud-orientali, lu ramu dê dialetti parrati a Ràusa e nnû bassu saràusanu, chistu pirchì li sò abbitanti veninu dê centri vicini a Ràusa, comu Còmmisu, Vittoria, Ciaramunti e lu stissu capulocu.


Dichiarazzioni Universali di li diritti di l'Omu

"Ì cristìani nasciunu tutti lìbbiri e tutti ì stìssi, pi dignità e dirìtti. C' hanu u' ciriveḍḍu e a cuscenza, e s'hanu cumpurtari 'ntra ri ìḍḍi comu si fussuru frati râ stìssa matri."

Patri nostru

Patri nostru, chi se 'n celu,

Santiffìatu v'è u nomu tò,

venìssi prestu u tò regnu,

sempri fatta v'è a tò vuluntà.

Comu 'n celu accussi 'n terra.

Dunini sempri u nostru pani cutidianu,

E togghini ì nostri debbiti

Accussi comu nuatri ì tugghìmu

ê debbituri nostri.

E nun ni lassari cascari 'n tentazzìuni,

ma lìbbirini rû mali, AMEN.


Pi sapìrinni cchiossai, vidi puru la vuci Cullina di Sant’Ippòlitu (Caltaggiruni).