Discussioni utenti:Sfoltito

Bonvinuta Sfoltito ntâ Wikipedia scrivuta n sicilianu! La lingua siciliana veni parrata ntô munnu di quarchi 10 miliuna di pirsuni sparsi pi mità 'n Sicilia, e l'àutra mità 'n Calàbbria, nnô Salentu e nnâ pruvincia di Salernu e dî cumunità di l'emigrati siciliani. Forsi nun lu sai, allura t'avemu a diri ca chiddu ca nuiàutri siciliani chiamamu cumunimenti "U dialettu" (cu lu talianu comu lingua di rifirimentu), è na lingua vera e arricanusciuta di vari urganizzazzioni ntirnazziunali: l'Unioni Europea nta la sò Carta eurupea dî lingui riggiunali o minuritari l'UNESCO (zoè li Nazzioni Uniti) nta lu sò Libbru Russu dî lingui n pirìculu l'Urganizzazzioni Ntirnazziunali pi li Standardizzazzioni (ISO): "ISO 639-2 scn" e "ISO 639-3 scn" (còdici linguìstici dû sicilianu) lu SIL International attraversu l'Ethnologue. È na viritati scintìfica: lu sicilianu è na lingua comu qual'egghiè àutra lingua: lu francisi, lu catalanu, lu talianu, lu corsu, ecc. Nuiàutri siciliani avemu a canciari lu nostru modu di vìdiri la nostra cultura e la nostra lingua. Lu sicilianu è na lingua eurupea assai antica comu l'addimustra lu testu n lingua siciliana "Pir meu cori alligrari" ca fu scrittu di Stèfanu Protunutaru (un pueta dâ Scola siciliana) ntra lu 1230 e lu 1250, zoè quannu lu sicilianu era la lingua ufficiali dâ Sicilia. Si voi cuntribbuiri ti cunzigghiamu di taliari lu nostru Cumpenniu stilìsticu e la nostra Grammàtica. Bonu travagghiu. Salutamu! :-)

--SurdusVII (SMS) 10:06, 18 maiu 2020 (CEST)

**** COMMODORE 64 BASIC V2 ****  64K RAM SYSTEM  38911 BASIC BYTES FREE READY.