Liggi di Hubble

La liggi di Hubble metti n rilazzioni la vilucità cu cui li vari galassi s'alluntananu dâ nostra, cu la distanza dî galassi. Sta rilazzioni è na rilazzioni di proporzionalità, la cui custanti, canusciuta cu lu nomu di custanti di Hubble, e dinutata cu $H_{0}$, vali circa 73 (km/s)/Mpc.

La liggi

$v=H_{0}d$

unni v è la vilucità misurata n kilomitri ô secunnu, $H_{0}$ è la custanti di Hubble e d è la distanza misurata n megaparsec, fu sprummintata di Edwin Hubble ntô 1929 doppu na seri di deci anni di ussirvazzioni.

La ntirpritazzioni mmidiata dû mudellu di Hubble è chi cchiossai l'oggetti astrunomici sunnu luntani di nuatri, cchiossai iddi s'alluntanunu cu na vilucità cchiù granni. La custanti di Hubble servi perciò a difiniri e quantificari l'espansioni di l'universu.