Adolf Hitler

Na mmàggini di Adolf Hitler.

Adolf Hitler (20 di aprili, 1889 - 30 di aprili, 1945) fu lu cummannanti dâ Girmania nazista e lu capu dû Partitu nazista. Dû 1933 ô 1945 fu lu capu dû cuvernu e lu capu dû statu. Hitler è nu pirsunaggiu mpurtanti dâ storia muderna. Quannu accuminzau la Secunna guerra munniali la Girmania, sutta Hitler, cuntrullava la maggiuranza di l'Europa. Sutta la sò duttrina strema, miliuna di genti vìnniru ammazzati, spiciarmenti giudei e zìngari, ntôn abbinimentu chiamatu l'Olocaustu. A Birlinu si ammazzau prima ca lu sò asèrcitu vinni battutu dî forzi alliati.

Ntô 1933, pî menzu di nganni pulìtici, Hitler addivintau lu capu dû cuvernu e dû statu tudiscu. Araciu araciu abbulìu assai diritti dû pòpulu, p'asempiu lu dirittu d'abbanniari pubbricamenti. Tutti l'àutri partiti pulìtici vìnniru abbuluti sarvu lu partitu nazista. Tanti addivintaru priciuneri pulìtici quannu lu cuvernu nazista riducìu la libbirtati dû pòpulu tudiscu. Tutti li prucessi dimucràtici foru tutti quanti sciugghiuti. Si pò diri senza nudda cuntradizzioni ca Hitler stissu era ô centru di tutti st'abbinimenti e ca tuttu vinni fattu sutta li soi òrdini.

Liami esterni

• Dittatori: Adolf Hitler Matiriali supra lu dittaturi tidiscu
• Dossier Hitler Documenti e ntervisti a stòrici e studiusi, Rai Educational
• Biblioteca di Mondo Politico, ntroduzzioni ô Mein Kampf e testu ntigrali (ngrisi)