Viareggiu

Carru alliggoricu ô carnivali di Viareggiu.

Viareggiu è nu cumuni dâ pruvincia di Lucca di circa 60.000 abbitanti. S'affaccia supra lu mari Tirrenu. E' celibbri pi lu carnivali chi si fisteggia ogni annu, carattirizzatu di na sfilata di carri alliggorici riputatu comu lu megghiu di la catigurìa a liveddu nazziunali.

Ntâ stati, Viareggiu è na distinazzioni turistica assai apprizzata grazzi ê spiaggi di rina chi agghicunu nzinu a Forti dî Marmi a na quinnicina di chilomitri di dà e chi carattirizzanu tutta la Versilia.