Tràpani

Tràpani
Nomu ufficiali:	Trapani
Riggiuni:	{{{riggiuni}}}
Pruvincia:	Tràpani (TP)
Cuurdinati:	38°1'3"N, 12°30'54"E Ammustra ntâ mappa
Superfici:	271 km²
Abbitanti:	67.456
Dinzitati:	249 ab./km²
Cumuni cunfinanti:	Calatafimi-Segesta, Èrici, Marsala, Pacecu, Palazzolu (TP), Salemi
CAP:	91100
Prifissu telefònicu:	+0923
Situ ufficiali:	http://www.comune.trapani.it

Tràpani appi orìggini di un villaggiu sicanu; li greci la chiamaru Drepanon ca voli diri "fàuci"; nfatti lu sò tirritoriu si spanni nta na stritta lingua di terra allungata a forma di fàuci ntô Mari Meditirràniu. Nnû sèculu VIII a.C. arrivaru li Finici e addiventa na mpurtanti basi navali cartagginisa nzèmmula a Lilybeu e Panormu. Cunquistata dî li Rumani nnô 241 a.C. cu la guerra pùnica di li Egadi accumenza a ciuriri.

Doppu greci, elimi, cartagginisi, saraceni, svevi e àutri, riciurisci cu l'Àrabbi nnô sèculu IX e nnô 1077 cu li Nurmanni ciurisci ancora di cchiù cu l'orificiarìa, lu travagghiu dû curallu e l'attivitati cummerciali e marinari. Nnô sèculu XVI Carlu V di Spagna ammuderna e ristruttura lu paisi chi nnô 1817 addiventa capulocu di pruvincia. Attraversu li sèculi, lu sali e la nnustria dâ pruduzzioni dû sali fu l'ùnica granni risursa di mpurtanza ecunòmica. Oggi, cu li sò 68.335 abbitanti e cu lu sò portu, è un capulocu di pruvincia pròsperu e mpurtanti.
Li turisti chi arrivànu a Tràpani ponnu macari taliari lu mari pulitu di Santu Vitu e di Pizzulongu, firriari ni li stratuzzi di Èrici, o jiri ni li salini, virennu sempri biddizzi naturali. Fu canusciuta n tuttu lu cuntinenti puru cu l'America's Cup, li gari di varca a vela chi purtaru un saccu di cristiani di tuttu lu munnu.

Vista d'Èrici

Munumenta

• Santuariu di l'Annunziata dû 1315/1332 cu la "Maronna di Tràpani" (zoè "Madonna di Tràpani"), lu "Battisteru" dû 1486 e la "Cappedda dî Marinari" (zoè "Cappella dî Marinara") dû sèculu XVI;
• Museu Pepoli cu na scultura di Antonello Gagini dû 1522 "S.Giacomo Maggiore", cu 'n polìtticu dû sèculu XV "Vergine che incorona S.Caterina, na "Pietà" tàvula dû 1380 di Roberto di Oderisio, na "Madonna in trono con Bambino" (zoè Madonna n tronu cu Bamminu) dû 1450, un "Trìtticu" dû sèculu XV di Antonio Massaro, na tila dû 1530 di Tiziano "S.Francesco", e poi un "Càlici" n ramu dû 1630, na "Làmpada" dû 1633, un "Paliotto" in sita e argentu dû sèculu XVII;
• Cattidrali dû 1635, didicata a S.Lorenzu;
• Chiesa di l'Armi du Priatorio, chi sarva i gruppi di Misteri
• Ex Chiesa di Sant'Austinu dû sèculu XIV, ora uditorium, cu na facciata cu nu purtali gòticu e un riccu rusoni ricamatu;
• Chiesa di S.Franciscu dû sèculu XIII/XVII;
• Chiesa di S.Pietru dû sèculu XI/XVIII;
• Palazzu d'Alì (Municipiu);
• Palazzu Melilli dû sèculu XVI (Bibblioteca cumunali);
• Casteddu di terra d'orìggini pùnica;
• Turri Ligny dû 1671, attualmenti seggi dû Museu di Preistoria e di lu Mari

e tanti àutri chiesi, chiazzi e palazzi mpurtanti, senza scurdàrisi lu portu e li salini.

Citati vecchia

Gastrunumìa

Ntra li ciauri dû mari, dû pisci, di li cosi di manciari nati, sviluppati, adattati a la tradizzioni trapanisa, si ponnu arricurdari: lu cuscusu di pisci, la pasta cu l'agghiu, a la matalotta (cû sugu ristrittu di pisci), purpetti di sardi, scurmi lardiati (arrustuti), li pisci salati e li pisci sicchi, la pizza rianata, la grattata (grattata di ghiacciu cû sucu di limuni), li gilati di gelsuminu, li sfinci.

Nta Commons s'attròvanu àutri mmàggini rilativi a Tràpani.