Abbassidi

Lu califfatu abbassidi â sò massima stinsioni (850). La Sicilia cuntrullata di emiri aglabbidi fideli ô califfu di Bagdad ni facia parti.

Lu califfatu abbassidi fu lu terzu califfatu chi si succidiu ntâ storia di l'islam. Cupriu nu piriudu di tempu chi va dû 750 ô 1258. Fu diriggiutu di la dinastia Abbassidi di califfi, chi custrueru la capitali a Bagdad doppu aviri ditrunatu li califfi umayyadi di unnegghè tranni chi ntâ Andalusia.

La Sicilia e l'Abbassidi

Fu sutta lu calffatu abbassidi chi la Sicilia addivintau mussurmana ô cursu dû IX sèculu. Li aglabbiti chi pigghiaru lu cuntrollu dû Maghreb e appoi dâ Sicilia eranu arricanusciuti dû califfu di Bagdad. Quannu la duminazzioni aglabbida si finiu la Sicilia cadiu sutta lu cuntrollu fatimita, (versu lu 909) chi nun arricanuscìa lu califfu di Bagdad. Lu califfu fatimita nfatti si addichiarava discintendi direttu di na figghia di Maomettu, cosa ca lu califfu abbassidi nun arricanuscia.

La dicadenza di lu duminiu abbassidi ntô Miditirraniu

La duminazzioni Abbassidi ntô Miditirraniu accuminzau a diclinari cuntimpuraniamenti all'amuentu di la nfluenza fatimiti. Ntô 969 li abbassidi pirderu lu cuntrollu di l'Eggittu a opira dî fatimiti, guidati di Giauar, nu ginirali arabbu-sicilianu. Li fatimiti vidennu ca la nfluenza aumintava ntô mediu orienti, funnaru la nova capitali ô Cairu.

Talìa puru

• La lista dî Califfi abbasidi