Giuni Russu

Giuni Russo pseudonimu di Giuseppa Romeo (Palermu, 10 di sittèmmiru 1951 - Milanu, 14 di sittèmmiru 2004), fu na cantanti e autrici siciliana di musica liggèra in italianu.

Divinni famusa pa sò vuci, chi raggiungia cincu ottavi, n'ta cui si evinci n'te canzuni "L'addio" (1981), "Crisi metropolitana" (1981), "Un'estate al mare" (1982), "Gabbiano" (1997), ecc...

Cullabburàu cu alcuni di cchiù granni autori italiani comi: Francu Battiatu, Giustu Piu, Maria Antunietta Sisini, Albertu Radius, Juri Camisasca, Cristianu Malgiogghiu, ecc...

Biografia

Nasciu a Palermu u 10 di sittèmmiru, a musica era di famigghia, so matri e so nonna eranu dui suprani liggeri e so patri, piscaturi, era nu baritunu.

N'to 1967 partecipa e vinci u "Festival di Castrocaro" ca canzuni "A chi" di Faustu Leali, so granni successu du stissu annu. A vittoria, a faci partecipari drettamente o "Festival di Sanremu 1968" ca canzuni "No amore" scritta da Pallavicini ed Intra.

N'to 1969 pubblica nu 45 giri chi cuntinia u branu "Fumo negli occhi", na cover di nu famusu branu di Aretha Franklin.

N'to 1972 e 1973 era n'te cori dell'album "I mali del secolo" di Adrianu Celentanu e "YS" du U Ballettu d Bronzu.

N'to 1974 pigghia nu cuntrattu ca casa discografica tedesca "Basf" ca quali n'to 1975 pubblicherà l'album "Love is a woman" tuttu in lingua inglesi. L'album non avi successu picchì a casa discografica non u promovi e distribuisci in bona manera.

Sempri n'to '75 incidi nu nuovu 45 giri "In trappola". N'to 1976 incidi nu nuovu 45 giri "Che mi succede adesso" chi cuntinia comu u pricidenti 45 giri canzuna scritti da Cristianu Malgiogghiu.

U 1978 eni nu annu importanti, picchì cancia u so nomi in "Giuni Russo". N'to stissu annu incidi u so primu discu cu stu nomi, ed eni nu 45 giri "Soli noi".

N'to 1981 incidi u secunnu 33 giri, "Energie" unu di so cchiù importanti da carriera; cuntinia "L'addio", "Una vipera sarò", "Crisi metropolitana", i successi di stu album.

N'to 1982 arriva a canzuni cchiù famusa e imputtanti da sò carriera: "Un'estate al mare" scritta da Francu Battiato e Giustu Piu. Vinci u "Festivalbar" e "Vuta la vuci" cu sta canzuni.

Seguno l'album "Vox" (1983) chi canzuna di successu "Good Good Bye" e "Sere d'agosto"; "Mediterranea" (1984) chi canzuna di successu "Mediterranea" e "Limonata Cha Cha", "Giuni" (1986) ca canzuna di successu "Alghero", "Album" (1987) ca canzuna di successu "Adrenalina" in duettu con Retturi e "Mango Papaia".

L'annu 1988 è l'annu da svolta e di canciu di generi musicali, di Giuni cu l'album "A casa di Ida Rubinstein" cu i brani "La zingara", "A mezzanotte", ecc...

N'to 1992 incidi ca Wea na raccolta di successi chiù dui inediti "Amala" e "Alla spiaggia dell'amore".

N'to 1994 incidi nu nuovo album, che avi nu discretu successu "Se fossi più simpatica sarei meno antipatica" cu i brani "La sua figura", "Strade parallele" in duettu cu Battiatu, "La sposa", ecc...

N'to 1997 nu nuovo singulu “Gabbiano” veni incisu, comu antiprima di nu album "Gelsomini d'Arabia" che pi problemi co produttori non veni incisu.

N’to 1998 pubblica u so primo album du vivu, “Voce prigioniera Live”.

N’to 2002 pubblica nu sicundu album du vivu “Signorina Romeo Live”.

N’to 2003 presenta o “Festival du Sanremo 2003” a so nova canzuna “Morirò d’amore” c’arriva o settimu postu n’ta gara. Veni pubblicatu u novu album “Morirò d’amore” cu quattru inediti e canzuna di l’album du vivu precidenti. Veni incisa na nova raccolta di successi “Irradiazioni” cu unu ineditu “Voce che grida”.

A fini du 2003 nesci nu nuovu album “Demo de midi” chi cunteni canzuni demo inediti risalenti all’anni nuvanta.

N’to Aprili 2004 nesci u novu CD e DVD “Napoli che canta” na suite musicali du film mutu.

N'ta notti fra u 13 e u 14 di sittèmmiru Giuni mori pi un tumori a suli 53 anni, fatti quattru ionna prima.