Zùccaru

Cristalli di zùccaru raffinatu

Lu zùccaru, pi quali la fòrmula chìmica è C₁₂H₂₂O₁₁, è la dinuminazzioni cumuni dû disaccaridi saccarosiu, cumminazzioni urgànica dâ famigghi dî carbuidrati, chi custituisci lu cchiù cumuni dî glucidi. Lu tèrminie «zùccaru» è ancora a li voti utilizzatu pi rifiriri ê glucidi o idrati di carboniu giniralmenti.

Lu zùccaru è usatu principarmenti nta l'alimintazzioni e custituisci n'alimentu chi s'asorbi facili e chi è assai caloricu appurtannu circa 17 KJ (4 chilocalori) p'ogni grammu. Lu zùccaru si usa pi rènniri certi vìppiti cchiù duci, p'asempiu: lu tè e lu cafè, e si usa ntô cucinari cchiù giniralmenti, ma quasi sempri pû mutivu di rènniri lu manciari cchiù duci.

Attuarmenti lu zùccaru è pruduciutu dâ canna di zùccaru.

Ntô primu millenniu d.C. l'àrabbi accuminzaru a ntrodùciri li menzi di prudùciri lu zùccaru, d'urìggini di l'Innia, pi tutti li soi tirritori di ddu tempu. Pi chissu, la Sicilia era unu di primi lochi europei chi avìanu la capacitati di prudùciri lu zùccaru. La sò mpurtanza pi quantu riguarda la pruduzzioni di zùccaru si riducìu doppu lu scupriri di l'Amèrica.

La parola "zùccaru" diriva dû tèrmine àrabbu: sukkar.

Lijami di fora

• Zucchero: Antidepressivo che non rende obeso (pi talianu)
• Zucchero: non diminuisce l'assorbimento di integratori alimentari (pi talianu)