Girgenti

Girgenti
Muttu:
Nomu ufficiali:	Agrigento
Riggiuni:	{{{riggiuni}}}
Pruvincia:	Girgenti (AG)
Cuurdinati:	37°18'39.87"N, 13°34'35.57"E Ammustra ntâ mappa
Superfici:	244 km²
Abbitanti:	52.953
Dinzitati:	217 ab./km²
Cumuni cunfinanti:	Araguna, Cattolica Eraclea, Favara, Joppolo Giancaxio, Montallegro, Naru, Palma di Montechiaro, Portu Empedocli, Raffadali, Realmonte, Sant'Angelo Muxaro, Siculiana
CAP:	92100
Prifissu telefònicu:	+0922
Situ ufficiali:	http://www.comune.agrigento.it/

Chiesa San Lorenzo

Girgenti è na pruvincia dâ Sicilia, câ capitali cû stissu nomu, cu na storia longa e prufunnamenti bedda. Oggi, la pruvincia di Girgenti havi 53 cità minuri e l'Isuli Pelaghii. Lu nomu ufficiali dû paisi e dâ pruvincia è Agrigento.

Storia

Origginalmenti, Girgenti vinni culunizzata di li Greci antichi ca vinniru di vicinu Gela (chiddi ca vinissiru origginalmenti di Creta e Roda). Li greci la chiamàvanu Akragas. Di prima, Girgenti vinni truvata di 580 a.C. Era nu paisi abbastanti amàbbili e fertili et era culunizzata cu tantu spiragghiu dâ parti dî greci.

Akragas fu catacogghiuta et abbruciata dî cartagini circa di 406 a.C.

Circa di 210 a.C., li rumani, nimici murtali di li cartaginisi, vinceru la citati e la richiamaru Agrigentum. Duranti li pròssimi milli anni, vìnniru li gotti, li bizantini, e ntô nonu sèculu, li saracini. Nta stu seculu, li saracini si nni pigghiavanu na crescita suciali, pulìtica, e dimugràfica. Sutta sta regna àrabba, Girgenti addivintau assai pruspera.

Circa di 1087 cc'era nàutra guerra pi Girgenti. Li nurmanni, cu tantu maniggiu, vinceru Girgenti dî saracini. Ogni nurmannu era parti dû populu priviligiatu. Li nurmanni si pigghiavanu li pusizzioni cchiù auti nnô cuvirnamentu di Girgenti, e puru tutta la Sicilia.

Lu postu di vìscuvu era risturatu dâ parti dî nurmanni . Pirciò, cattidrali novi et àutri edifizzî vìnniru custruiti. Puru, Girgenti avia na criscenza ecunumicamenti, vistu ca li rapporti di misteri cu l'Africa dû nordu avianu puru na criscenza.

Nna l'èbbica siguenti, Girgenti addivintava sciampirru e sciddiava ntô sfacellu assai. Cc'era tanta scinnutta dâ parti dû guvernu girgintanu. La forza di Girgenti addivintava tinuta di picca famigghi aristucràtichi e bisbètichi, nun lu guvernu girgintanu. La forza di Girgenti, supratuttu, si diminuiva pirfina era dipinnenti sultantu supra ddi famigghi. Accuminzannu lu 1800, cumegghiè, la forza di Girgenti si criscia d'arrè. Girgenti era beata di novu.

Accamora

La Valli dî Tempii - Li Tempiu di Cuncordia - Seculu V a. C.

Tra li campagni chini cu mènnuli e ciuri, si trova La Valli dî Tempii, la tistimunianza millinaria dâ civilitati greca n Sicilia. Si significa lu passatu, lu presenti e lu futuru di Girgenti. Ogni annu cci attratta tanti turisti di tuttu lu munnu.

Oggi, Girgenti faci na parti cchiù granni nta l'ecunumia siciliana e puru ntâ mmaggini di siciliani. L'architittura è cchiù greca chi romana, e tra l'edifizzî li mènnuli dî campagni sunnu sempri nciuri. Anzi siddu st'edifizzî sunnu darreri na citati muderna, la vista di La Valli dî Tempî arresta quarchiccosa spiciali.

Nta Commons s'attròvanu àutri mmàggini rilativi a Girgenti.

Cumuni dâ pruvincia di Girgenti