"Usu dû dinamismu funèticu" : Diffirenzi ntrê virsioni
| Riga 131: | Riga 131: | ||
== Liami nterni == |
== Liami nterni == |
||
*[[ |
*[[Wikipedia:Circulu#Discussioni d.27ortugraf.C3.ACa|Discussioni supra stu tema ntô Cìrculu]] |
||
{{Template:OrtografiaSiciliana}} |
{{Template:OrtografiaSiciliana}} |
||
Virsioni dû 20:03, 4 mar 2008
Lu "dinamismu funèticu" è lu nzemi di li mudìfichi funètichi ca succèdinu ntô sicilianu parratu.
Diffusioni
Sti mudìfichi funètichi ca attruvamu a l'urali sunnu diffusi nta tutta la Sicilia ma sunnu diversi secunnu li zoni di l'ìsula. Sapennu chistu, la maiuranza di li littirati siciliani nun usaru lu dinamismu funèticu pi lu sicilianu scrittu.
Asempi
cu-ttìa (cu tìa)
a-fFabbiu (a Fabbiu)
comu si-ghjò unn fussi (comu si jò nun fussi)
e-vvoli (e voli)
pi-gghiri a-cCatania (pi jiri a Catania)
pi-fforza (pi forza)
pi-bberu (pi veru)
u-gnornu (un jornu)
cu-mme frati (cu mè frati)
mPalermu (n Palermu)
ki-vvoi (chi voi)
e-ssulu (e sulu)
all'àutra (a l'àutra)
Sam-Petru (San Petru)
'u-gniri (nun jiri)
com'attia (com'a tìa)
mi susu mpedi (mi susu n pedi)
mmanu (n manu)
e-ppuru (e puru)
n-zishilianu (n sicilianu)
piddaveru (pi daveru)
Sam-Pàulu (San Pàulu)
N-Zishilia (N Sicilia)
unn-zugnu (nun sugnu)
nun-zugnu stancu (nun sugnu stancu)
Dom-Micheli (Don Micheli)
ma a-mmia (ma a mìa)
affaricuntu (a fari cuntu)
unn-mulissi chi (nun vulissi chi)
pi-cchissu (pi chissu)
unn-zunnu (nun sunnu)
San-Numìnicu (San Dumìnicu)
ammia mi piacissi (a mìa mi piacissi)
quarchi-gghiornu (quarchi jornu)
avissum'affari (avìssum'a fari)
ron-miulinu (dôn viulinu)
un-zimmulu (un sìmmulu)
a-mmenu chi (a menu chi)
am'a-ddiri (âm'a diri)
jornu pi-ghiornu (jornu pi jornu)
ddà-gghiusu (ddà jusu)
ccà-bbanna (ccà banna)
ogni-ttantu (ogni tantu)
cchiummegghiu (cchiù mmegghiu)
quarki-kkosa (quarchi cosa)
cchiù-bbeddu (cchiù beddu)
è-pp'iddu (è p'iddu)
ma ch'è-bbeddu (ma ch'è beddu)
si-bbedda (sî bedda)
sù-bbeddi (sù beddi)
tri-ppicciotti (tri picciotti)
dù-ccristiani (dù cristiani)
ecc.
Nu finòminu prisenti nta àutri lingui
Ci voli nutari ca stu finòminu funèticu nun è tìpicu sulu dû sicilianu, pirchì asisti (n misura minuri) nta àutri lingui latini, comu p'asempiu la lingua corsa ca havi la forma:
sammartinu (zoè 'n sicilianu: "babbaluci") ca veni dâ sprissioni corsa "San Martinu" (prununzata "Sam-Martinu").
ecc.
Rifirimenti ca nun ùsanu lu dinamismu funèticu
Rifirimenti ca ùsanu lu dinamismu funèticu
Sicilianu standard usatu ntâ wikipedia
E' ovviu ca usari lu dinamismu funèticu sicilianu ntâ lingua siciliana scritta nun nni facìlita la liggiuta, e n'àutra cosa mpurtanti è ca lu dinamismu funèticu cancia nta arcuni zoni (si pò diri "tri-vvoti" o "tri-bboti", si pò diri "m-barca" o "m-marca", e si pò diri "un-n-jornu" o "un-ciuornu"). Raccumannamu di nun usari lu dinamismu funèticu, e dunca cunzigghiamu di scrìviri "cu tìa", "a Fabbiu", "tri voti", "n varca", "un jornu", ecc. mmeci di scrìviri "cu-ttìa", "a-fFabbiu", "tri-vvoti", "mmarca", "un-n-jornu", ecc.