Timișoara

Mappa dâ Rumania ccu Timişoara (u puntu russu)

Timişoara (n tudiscu Temeswar o Temeschburg, n ungarisi Temesvár, n serbu Temišvar e n turcu Tamışvar) è na citati dû punenti dâ Rumania, ntâ pruvincia di Timiş e ntâ riggiuni di Banat, cu na pupulazzioni di 355.977 abbitanti ntô 2004 (317.953 abbitanti ntô 2002). Tutti li varianti dû sô nomu vènninu dû ciumi "Timişul", macari canusciutu cû nomu di Bega doppu ca fu canalizzatu. Na citati nnustriali cu sirvizza estinsivi, fu la prima citati europea lluminata cu l'elittricitati. Timişoara è na citati multiculturali chî sô principali cumunitati (tudischi, ungarisi, serbi, taliani, palistinisi e grechi). Ccà nascìu Johnny Weissmuller (un campiuni olìmpicu di natari, cchiù numinatu pi aviri fattu Tarzan). Timişoara fu macari visitata di Gustave Eiffel, lu criaturi dâ Turri Eiffel a Pariggi; custruìu un ponti supra lu ciumi Bega.

Sturia

Ntô 1019 Timişoara (chî vari nomi di Dibiscos, Bisiskos, Tibiskos, Tibiskon, Timbisko, ecc...) è minziunata pâ prima vota ntê ducumenti scritti dû mpiraturi bizzantinu Basiliu II (ma tutti li stòrici nun s'accòrdanu cu sta idintificazzioni).

Lu 16 di dicèmmiru 1989 na rivurtura pupulari s'accuminzàu a Timişoara contra lu riggimi cumunista di Nicolae Ceauşescu. Un òrdini di dipurtazzioni dû pasturi calvinista ungarisi László Tökés fu datu â pulizzìa sicreta (a Securitate) e la riazzioni dî membri dâ sô cresia fu di circunnari la sô casa, mentri àutri pirsuni jeru ntâ Chiazza di l'Òpira, la chiazza cintrali dâ citati. Lu putiri cumannau di gràpiri lu focu suprâ genti.

Arcuni surdati di l'asèrcitu rifiutaru di sparìricci e jeru câ genti. Fu lu principiu dâ fini pû vecchiu riggimi ca finìu l'àutra simana.

Lu 20 di dicèmmiru 1989, Timişoara s'addichiarau la prima citati lìbbira. 1.104 pirsuni mureru e 3.352 foru firuti.

Universitati

• Universitati Politècnica di Timişoara
• Universitati Occidintàli di Timişoara
• Universitati di Midicina e Farmacia "Victor Babeş"
• Universitati dî Scinzii Agrìculi dû Banat

Pirsunalitati di Timişoara

• Meir Amigo
• dr.Cardinalis Laurenzius Schlauh (1892-1903)vescovo di Oradea,funerario e fo porttato in Capella familiara Schlauh di Timisoara(1903).

Citati Gimillati

• Faenza e Trivisu (Italia)
• Gera e Karlsruhe (Girmania)
• Mulhouse e Rueil-Malmaison (Francia)
• Szeged (Ungaria)
• Graz (Austria)
• Novi-Sad (Serbia)

Culligamenti Esterni

• Situ officiali dû Municipiu di Timişoara
• Situ ginirali suprâ citati
• Situ officiali dâ Pruvincia di Timiş
• Timisoara Tourism En

Rifirimenti:

fr:Timişoara ro:Timişoara