Rapportu sissuali

Lu Rapportu Sissuali eni socca l'umani e certi armali fannu pi ripruducìrisi. A li voti li pirsuni ci hannu "sessu pi arricriàrisi". Certi armali comu li babbuini fannu la stissa cosa .

File:Missionary Sex Position.png

La "pusizzioni dû missiunariu" eni na via p'aviri sessu.

Lu rapportu sissuali di sòlitu coinvorgi nu màsculu ca movi ritmicamenti lu sò peni erettu dintra e fora dâ vaggina dâ fìmmina, criannu frizzioni. Chissu stìmula sissualmenti lu màsculu e la fìmmina, spissu a nu puntu ca ci hannu tutti dui n'orgasmu e lu màsculu eiàcula.

Fàricci fari sessu câ forza a quarchidunu eni nu crìmini nta tanti paisi (di sòlitu chiamatu viulenza carnali).

Fari picciriddi

Artìculu principali: Ripruduzzioni sissuali

Lu rapportu sissuali eni lu mètudu cchiù naturali e cumuni p'aviri nu picciriddu. Cci havi bisognu di n'òmminu e di na donna ca cci hannu sessu sinza cuntrollu dî nàsciti finu a quannu l'òmmunu eiàcula lu semi nta la vaggina dâ donna. Lu sperma si movi versu li tubba di Falloppiu, e si trova n'òvulu supra la sò strata, si strummenta pi firtilizzàrilu. Si chissu funziona, l'òvulu, di sòlitu si nchianta nta lu endumetriu, e la fìmmina passa nta nu statu dittu "ntirissanti". L'òvulu firtilizzatu si sviluppa nta n'èssiri umanu. Cci sù cirtuni ca chiàmanu ss'umanu ca crisci nu "picciriddu nun natu" o nu "carusu", e l'utilizzu di ssi tèrmini putissi èssiri pulìticu (vìdiri Abbortu. Dû puntu di vista mèdicu, eni chiamatu gravidanza finu â nàscita e cchiù spicificatamenti zigoti pi l primi dù simani, n'embrioni pi circa setti simani e quinni nu fetu).

Sessu p'arricriàrisi

Lu sessu nun eni sulu nu mètudu p'aviri piccirididi.
Li pirsuni ponnu macari aviri sessu p'arricriàrisi, ma di sòlitu nta ntrammi li casi lu fannu n privatu pi raggiuni murali.
La nàscita di nu picciriddu signìfica ca l'adulti cuinvolti s'hannu a pigghiari macari li rispunzabbilità di crìsciri lu picciriddu e quinni ci su cirtuna ca s'annirvusìscinu quannu lu sessu eni praticatu sinza troppu puduri, picchì si scàntanu ca lu picciriddu quannu nasci veni lassatu pedi pedi e cci havi a pinzari la sucità a criscìrilu. Pi sti mutivi li maggiuri riliggiuni stituzziunalizzati dû munnu nun appròvanu lu sessu primatrimuniali, picchì nun garantisci na cucchia di ginitura ê picciriddi ca nàscinu. Si n'òmminu e na donna nun vonni aviri nu picciriddu putìssiru p'asempiu utilizzari la contracezzioni, ca eni quarchi cosa c'arresta lu prucessu di criazzioni di nu picciriddu. Unu di li mètudi di contraccezzioni eni lu prufilàtticu lu cui utilizzu eni macari criticatu picchì ppi la maggiuri parti dî riliggiuni stituzziunalizzati dû munnu prèdica na castità tutali comu chidda ca avissi a mèntiri cchiù n cuntattu li pirsuni câ divinità.

Li pirsuni ca ci hannu rappotti sissuali cu àutri pirsuni si scègghinu n basi â sò sissualità. Di sòlitu, a li màsculi ci piaci aviri sessu cu li fìmmini e a li fìmmini ci piaci aviri sessu cu li màsculi. Li màsculi ca hannu sessu sulu cu àutri màsculi sù chiamati "omusissuali". E lu stissu vali pi li fimmini ca hannu sessu sulu cu àutri fìmmini. A certi pirsuni ci piaci aviri sessu sia chî màsculi ca chî fìmmini e sù chiamati "bisissuali".

Certi pirsuni sèntinu ca ci piacissi aviri sessu cu l'armali e chissu eni chiamatu vistialità. A àutri ci piacissi aviri sessu cu li picciriddi e chissi su chiamati pedòfili. La maiuri parti dâ pupulazzioni munniali penza ca la pedofilìa e la vistiliatà nun sù cosi boni e sù pinzeri ca vèninu a chiddi malati di menti. Sti cumpurtamenti sù contra la liggi nta la maiuri parti dû munnu.

Sessu comu strumentu di putiri

A li voti na pirsuna utilizza lu sessu pi cuntrullari n'àutra pirsuna. Facennu chissu li pirsuni si sèntinu cchiu putenti. Putìssiru macari usari lu sessu pi fari sèntiri n curpa a quarcunu, o pi fàrici fari quarchi cosa ca nurmalmenti nun facissi. Li pirsuni a li voti si cuntròllanu l'unu cu l'àutru p'aviri rapporti sissuali, picchì certi pirsuni arrìvanu a fari cosi ca nun facissi nurmalmenti sulu p'aviri sessu. Chissu eni chiamatu "pulìtica sissuali". Cuntrullari quarchidunu cû sessu di sòlitu eni cunzidiratu eticamenti sbagghiatu.