Sicilia (èbbica spagnola)

Na carta dâ Sicilia dû 1600 circa.

La Sicilia vinni sutta la duminazzioni dû re di Spagna ntô 1479, quannu lu regnu di Castigghia si juncìu cû regnu aragunisi. La duminazzioni spagnola si cunchiudìu lu 10 di giugnu 1713, câ firmata dâ paci di Utrecht, chi cunfirmau lu passaggiu di l'ìsula di Filippu V di Spagna a Vittoriu Amedeu II di Savoia.

L'abbrei foru cacciati ntô 1492 (comu succidìu pi tutti li tirritorî sutta la curuna spagnola).

L'Asburgu

Sofonisba Anguissola, Filippu II.

A la morti di Firdinannu II di Araguna e di Isabella di Castigghia, la Sicilia e lu regnu di Nàpuli foru ncurpurati ntra la nova curuna di Spagna, chi vinni ariditata dû giuvani Carlu V. Dû 1516 'n poi, li dui regni vennu tinuti di rè forasteri addimentri ca sunnu amministrati di distinti viciré.

Dû 1516 ô 1700 la Sicilia fu retta dâ dinastìa di l'Asburgu. Dû mpiraturi Carlu, li regni di l'Italia miridiunali foru ciduti ô figghiu Filippu ntô 1556, dui anni prima dâ propia morti.

Succissivamenti, la Sicilia vinni cuvirnata di:

• Filippu III (1598-1621);
• Filippu IV (1621-1665); e
• Carlu II (1665-1700).

Rubens, Ritrattu di Carlu V.

Carlu V

Ntô 1548, Ignazio de Loyola funnau a Missina lu primu Colleggiu dî Gesuiti ô munnu, lu famusu Primum ac Prototypum Collegium ovveru Messanense Collegium Prototypum Societatis Iesu, prototipu di tutti l'àutri culleggi di nzignamentu chi li Gesuiti.

Filippu II

Ntô 1571, dû portu di Missina partìu la flotta cristiana, ô cumannnu di Don Giuvanni D'Austria, chi distrudìu na flotta turca nnâ [[Battaglia di Lepanto (1571)|Battaglia di Lepanto. Tra li pirsuni firiti sbarcatie dâ flotta cc'era Miguel de Cervantes, chi arristau â Granni Spidali dâ citati pi quarchi misi a causa dâ manu firita 'n battaglia.

Filippu IV

Ntô 1638, l'Univirsità di Missina funnau l'ortus Messanensis, lu cchiù anticu dâ Sicilia e ammittau Petru Castelli, di Roma, pi rializzàricci, cu cui cullabburau Marcellu Malpighi.

Filippu IV.

Carlo II

Sutta lu regnu di Carlu II, nu tirrimotu curpìu tutta la parti uccidintali di l'ìsula ntô 1693. La ricustruzzioni ntô stili baroccu sicilianu fu parò mprissiunanti pi maistranzi e architetti mpignati ntê citati novi chi rinasceru.

Vuci currilati

• Sicilia (èbbica aragunisa)
• Sicilia (èbbica piemuntisa)
• Lista dî munarchi di Sicilia
• Regnu di Sicilia
• Storia di Catania
• Storia di Missina