Michael Crichton

John Michael Crichton (natu a Chicago lu 23 di uttùviru dû 1942), è n'auturi Miricanu , nu prudutturi di firma, nu riggista di firma, e nu prudutturi televisivu. Li sò travagghi cchiù canusciuti sù li rumanzi ticno-triller, li firma e li prugrammi televisiva. Li sò travagghi sù basati di sòlitu supra lu gèniri dî azzioni e utilizza assai a ticnoluggìa. Nu saccu dî sò rumanzi di storia futura sù basati supra lu travagghiu di mèdicu ca facìa prima, e chi rifletti la sò canuscenza scintìfica.

Biografìa

Sò patri era John Henderson Crichton e sò matri Zula Miller Crichton, e passau la sò nfanzia a Roslyn, Long Island, New York. Crichton ci havi dù soru, Kimberly e Catherine, e nu frati cchiù jùvini, Douglas, ca l’aiutau a scrìviri sutta farsu nomu "Dealing or The Berkeley-to-Boston Forty-Brick Lost-Bag Blues."

L’università sò la fici a l’ Harvard, Cambridge, Massachusetts, A.B. (summa cum laude) 1964 (Phi Beta Kappa). Poi addivintau nu Henry Russell Shaw Travelling Fellow, e ntô 1964-65 nu Prufissuri 'n vìsita â facultà r'Antropoluggìa a l’università di Cambridge, Ngraterra, 1965. Si pigghiau la làuria a l’Univirsità di Midicina di Harvard, firannisi a pigghiàrisi nu M.D. ntô 1969 e si fici lu post-dutturatu di ricerca a l'Istitutu Salk pî studia Biològgici, La Jolla, California, ntô 1969–1970. Ntô 1988, era nu scritturi 'n vìsita a l'Istitutu di ticnoluggìa dû Massachusetts.

Mentri era ntâ scola di midicina, si misi a scrìviri dî rumanzi cû farsu nomu di John Lange e Jeffery Hudson. A Case of Need (Nu casu di nicissità), ca fu scrittu cu lu sò ùrtimu farsu nomu vincìu lu Premiu Edgar ntô 1969 pû Megghiu Rumanzu. Scrissi macari Dealing (Aviri a chiffari) cû sò frati cchiù nicu Douglas cu lu farsu nomu cumuni Michael Douglas. Nta la quatta di cupirtina c’è na fotugrafìa dî dù frati ca fu pigghiata di sò matri quannu èranu nichi.

Li sò dui noma farsi foru criati pi riflèttiri la sò àuta statura fìsica. Iddu dici ca ntô 1997 era circa 2.06 m (6 pedi e 9 pòllici) [1]. Lange signìfica "tall one" 'n Tudiscu, Danisi e ntâ lingua Landisa, e Don Jeffrey Hudson era nu famusu nanu dû diciassittèsimu sèculu ntâ corti dâ riggina Henrietta Maria di Francia.

Crichton na vota cunfissau ca mentri studiava di jùvini a l’univirsità, cupiau plaggiànnulu nu travagghiu di Giorgiu Orwelle e lu prisintau comu si l'avissi scrittu iddu. Lu travagghiu secunnu lu sò prufissuri univirsitariu di littiratura nun s’a fidau mancu a pigghiari la sufficienza. Crichton poi dissi ca cu lu plaggiu iddu nun avìa ntinzioni di pigghiari n giru la scola, ma chi vulìa fari nu spirimentu. Crichton pinzava ca lu prufissuri n custioni lu facìa apposta a mintiri vota vasci, e li raccursini cu stu spirimentu iddu pinzau ca si macari Orwelle pigghiava voti vasci, studiari littiratura a l’univirsità nun era cosa p’iddu.

Astura è maritatu cu Sherri Alexander e ci hannu na picciridda ca chiamaru Taylor, na figghia ca ci happi câ mugghieri ca ci avìa prima Anne-Marie Martin.