Giufà

Giufà è lu prutagonista di cunta pupulari siciliani di orìggini àrabba. Tanticchia babbu, ni cummina di tutti li culura, ma quasi sempri ci finisci bona, senza chi si nni renni cuntu. Di caràttiri sèmplici, ingenû, vivi ogni jornu comu ci càpita, pigghiannu la jurnata comu veni.

Storia

Lu stissu pirsunaggiu cu li stessi storî, si trova nta àutri tradizzioni pupulari dî paisi dû meditirraniu. Si chiama Djeha in Algeria e in Maroccu, Goha in Eggittu, Nasreddine Hodja in Turchìa, uguali in Calabbria, Giaffah in Sardigna, Gihane a Malta.... e ancora Giucca in Tuscana, Giucà in Albanìa, Turlulè in Trentinu, Noodles ntê paisi anglosàssuni.

Giufà nti la littiratura

Na trascrizzioni in sicilianu di sti cunta si pò truvari nti Fiabe, novelle e racconti popolari sicilani di Giuseppi Pitrè. Puru Italu Calvinu in Fiabe italiane ripigghiau certi cunta di Giufà dû libbru di Pitrè.

Ppi sapìrinni cchiossai

• [1] Na lonca lista di cunta di Giufà.
• [2] Nu cuntu in sicilianu
• [3] Artìculu scientìficu supra li cunta tradizziunali siciliani di orìggini àrabba
• [4] Supra Noodles