Scala mòbbili

Na scala mòbbili è un trasportaturi-alivaturi adattu pi lu trasportu di pirsuni.

Quannu veni usata comu trasportu pùbbricu urbanu, veni difinita comu un sistema ettumetricu.

Stòria

La scala, basata supra un princìpiu sìmili a chiddu dû nàstru trasportaturi, avìa ô princìpiu li gradini di lignu. Sti mudelli arristaru in usu nna lu Regnu Unitu nzinu ô 1987, quannu un granni ncendiu nna la stazzioni di King's Cross fici vìdiri ca lu lignu era piriculusu pi la sicurizza.

Lu tèrmini ngrisi "escalator" era un màrchiu riggistratu dâ Otis Elevator Company, ma cu lu tempu addivintau na palora di usu comuni in tuttu lu munnu.

Cumpusizzioni

È custituita da na scala unni li gradini si movunu trascinati miccanicamenti, ristannu però sempri urizzuntali. Lu miccanismu è furmatu da gradini articulati, di sòlitu mitàllici, chi sciddicanu versu l'àutu o versu lu vasciu. Pi rinniri cchiù fàcili la trasuta e la nisciuta, li strimitati sunnu alliniati cu lu tirrenu, pigghiannu na furma a "S" tisa. Speru chi accantu a la scala c'è sempri un currimanu mòbbili chi va a la stissa vilucità dî gradini.

Record

La cità di Putenza, ntô 2010, inauguirau li "Scale mobili Santa Lucia", chi sunnu li scari mòbbili cchiù longhi d'Europa (1,3 km di lunchizza). Lu primatu mundiali però spetta a Tokyo (1,5 km) e la scala sìngula cchiù longa di tutti s'attrova a Hong Kong, longa 800 metri.

Talìa puru

Lijami di fora

Wikiquote contiene citazioni di o su scala mobile
Wikimedia Commons contiene immagini o altri file su scala mobile

Comu funzionanu li scari mòbbili (EN)