Sant'Albertu di l'Abati

Dâ Wikipedia, la nciclupidìa lìbbira.
Tritticu da ’Ncurunazioni da Virgini tra i Santi Albertu e Petru di Matteu de Perruchiu XV Seculu - Museu Diucisanu di Palermu

Albertu di l’Abati (Trapani, 1240Missina 7 di austu 1307) è nu Santu talianu di l'Ordini di Carmilitani.

Aggiografìa[cancia | cancia la surgenti]

Albertu nascìu a a Trapani ammersu lu 1240 dâ Benedittu Abate, da Famigha fiurentina di l’Abate. Trasìu nti l’Ordini dî Carmilitani e, fattu parrinu, lu 1280 vinni numinatu Patri Pruvinciali di Trapani. Versu lu 1287 fu mannatu a Missina pi pridicari lu Vangelu comu Patri Pruvinciali. Duranti l’assèdiu angioinu di Missina, cu la sò prijera libbirò la cità dâ fami cu l’arrivu nô portu di una navi china china di furmentu. Fu chiamatu lu Patri di l’Ordini , picchì fu lu primu Santu fattu dû Papa Callistu III. Lu Priuri Ginerali vosi ca nta tutti li Cresi di Carmilitani ci fussi n’artari didicato a iddu. Foru divoti di Sant’Albertu, S.Teresa d’Avila e S.Maria Maddalena di Pazzi. Murìu lu 7 di austu 1307 e pî sò funirali nun fu cantata la Missa di morti, ma chidda di Santi Cunfissuri. Nô 1457 lu Papa Callistu III, a vuci, accunsintìu a viniràrilu comu Santu, cunfirmatu appoi di Sistu IV cu na littra dû 31 di maju 1476. Nô 1623 fu fatta la Porta di S. Albertu a Missina. E’ Patronu di Trapani, Erici, Palermu e Revere (MN).

Li Riliqui[cancia | cancia la surgenti]

Li Riliqui di S. Albertu foru purtati na tutta l’Europa. Lu Craniu, nô 1317 fu purtatu di Missina a Trapani, nâ Crèsia di l’Annunziata. Nô Cummentu di Palermu, nti l'annu 1346 fu didicata a iddu na Cappella.

Liami[cancia | cancia la surgenti]