Sant'Euplu di Catania
'
Euplu' (Catania 275 - Catania 12 di austu 304) fu un Jacunu e Martiri dâ Cresia di Catania.
Aggiografìa[cancia | cancia la surgenti]
Nasciu a Catania e lu so nomi è scrittu na tutti Martirologi. L’Ortodossi lu ricordanu l’11 di austu. Lu mpiraturi Diuclezzianu ntall’annu 303 fici un Edittu pi sterminari li seguaci di Cristu; avianu essiri circati tutti chiddi ca eranu Cristiani, avianu a cunsignari li libri dâ fidi e si nun vulevanu essiri ammazzati avianu adorari li dei.
Mentri a Catania c’era lu Proconsuli Calvisianu fu truvatu Euplu, un Jacunu, ca spiegava ô populu lu Vangelu. Subitu iddu dissi: “Sugnu cristianu e vogghiu moriri pi Gesù Cristu “. Doppo avillu ntirrugatu e vidennu can un vulia rinunciari â fidi di cristiani, lu fici mettiri n carciri e lu fici flagillari. Lu 12 Austu dû 304 ci fici tagghiari la testa ca spata no Foru Rumanu da Citati. Li Cristiani sippilleru Euplu cu l’aromi.
Li riliquii[cancia | cancia la surgenti]
Dû 1040 sunnu custuditi dintra un’urna d’argentu na l’antica Catidrali di Trevicu (AV) unni è lu Patronu. E’ puru Patronu di Francavigghia di Sicilia (ME) e Compatronu di Catania.