San Nicola di Bari
San Nicola di Bari, notu puru comu San Nicola di Myra, San Nicolao, San Nicolò o San Niccolò (in grecu Άγιος Νικόλαος?; Pàtara, 15 marzu 270 – Myra, 6 dìcemmuru 343), è statu un viscuvu rumanu, viscuvu di Myra, vinniratu comu santu dâ Chiesa cattolica, dâ Chiesa ortodossa e da diversi autri cunfissioni cristiani.
Û miraculu di tri doti. Si cunta chi Nicola, saputu di un poviru mischinu cadutu 'n disgrazzia, 'ccû tri figghi fimmini chi non putiunu maritarisi pìrchì non aviunu soddi 'ppî pagari â doti, avessi pigghiatu 'nâ quantità dû propriu dinaru, l'avissi 'mmugghiatu 'ntô pannu e jittatu 'ccô scuru 'ntâ casa dill'omu, 'ppî tri notti una appressu all'autra, in modu da garantiri â doti a tutti e tri ê figghie e 'mpidiri chi vinissiru abbiati a stari supra â strata.
Û miraculu dî tri picciriḍḍi. Autru cuntu narra di quannu già viscuvu, avissi risuscitatu tri picciriḍḍi chi un carnizzeri tintu avia ammazzatu e misu sutta sali 'ppî vindirinni â carni. 'Nfatti, comu prutitturi di carusitti û San Nicola 'talianu addiventa Sinterklaas o Sint-Nicolaas in olandisi, Santa Claus in inglisi, û Babbu Natali chi 'nticipa, 'ntâ stu casu, i riali 'ntê festi di natali.
Û miraculu da timpesta placata. Secondu n'autra tradizzioni, Nicola ammansiu 'na tirribbili timpesta, savvando un bastimentu e l'equipaggiu dô naufraggiu.
Cultu verosimilmenti introdottu in Sicilia in ebbìca bizantina da celluli monastichi pruvinenti dall'Asia Minuri.
Iconografìa
[cancia | cancia lu còdici]Bastuni pasturali, mitria, barba, tri sferi d'oru 'ntê mani, butti di unni sbucunu tri picciriḍḍi.
Patrucinii
[cancia | cancia lu còdici]Patronu principali di: Cammarata, Giujusa Marea, Gualtieri Sicaminò, Isineḍḍu, Palazzu Adrianu, Ribbera, Roccavaḍḍina, Salemi, Sapunara, Triccastagni, Villafranca Tirrena. Ad Austa 'ntâ frazziuni di Brucoli, a Missina 'ntê frazziuni di Ganzirri, Pezzolo, San Filippu Supiriuri, Zafferia.
Compatronu di: Barcialona Pizzaottu ex patronu dill'ex casali di Barcialona, Giampilieri Supiriuri, Rasciḍḍa Vaḍḍemuni, Sammarcu d'Alunziu, Veneticu.
Patruciniu e fistiggiamenti a Acati, Capizzi, Castermula, Cuntessa Entellina, Gangi, Militeḍḍu in Val di Catania, Muntarbanu Elicona, Nicusìa, Notu, Palazzolu Acrèidi, Taurmina, Tèrmini Imeresi, elencu di cìtadi unni û santu di Mira è û titulari dâ chiesa matri (o cattidrali) o è û cuntitulari.
Usi e custumi
[cancia | cancia lu còdici]Patrunu di: marinari, vitrai, sculari, piscaturi, farmacisti, profumeri, buttai, arcieri, picciriḍḍi, fimmini da maritu, avvucati, prostituti, priggiuneri e dî vittimi di sbagghi giudizziari; è û Santu Prutittori dâ Brigata Informazioni Tattiche dell'Esercito, sidi di Anziu, d'innumerevuli lucalità tra cui Bari e tante autri cìtadi di la Pugghia. È patrunu dî mircanti e cummircianti e alcuni gli attribuisciunu puru û patrunatu supra i ministranti.