Rock in Rio

Dâ Wikipedia, la nciclupidìa lìbbira.
Jump to navigation Jump to search
I Queen ò Rock in Rio nto 1985.

Rock in Rio è u cchiù granni festival ri mùsica rock du Brasili organizzatu da l'imprennituri Roberto Medina, successivamenti esportatu puru 'n Portugallu cu nomu ri Rock in Rio Lisboa e 'n Spagna cu nomu ri Rock 'n Rio Madrid. I cinqu festival di Riu de Janeiru si tinnìru nto 1985, 1991, 2001, 2011 e 2013, chiddi ri Lisbona nto 2004, 2006, 2008, 2010, 2012 e 2014 e a Madrid nto 2008, 2010 e 2012. Nto 2015 u festival si terrà pa prima vota na li Stati Uniti dâ Mèrica, a Las Vegas.

Rock in Rio è unu ri cchiù granni festival ri mùsica ò munnu, cu 1,5 miliuna ri pirsuni nnà prima edizzioni, 700.000 nnà secunna e nnà quarta edizzioni, circa 1,2 miliuna nnà terz e circa 350.000 pirsuni 'n ognuna di li edizioni ri Lisbona.

Storia[cancia | cancia la surgenti]

Annu Nomu Postu
1985 Rock in Rio I Riu de Janeiru, Brasili
1991 Rock in Rio II
2001


Rock in Rio III
2004 Rock in Rio Lisboa I Lisbona, Portugallu
2006 Rock in Rio Lisboa II
2008 Rock in Rio Lisboa III
Rock in Rio Madrid Madrid, Spagna
2010 Rock in Rio Lisboa IV Lisbona, Portugallu
Rock in Rio Madrid II Madrid, Spagna
2011 Rock in Rio IV Riu de Janeiru, Brasili
2012 Rock in Rio Lisboa V Lisbona, Portugallu
Rock in Rio Madrid III Madrid, Spagna
2013 Rock in Rio V Riu de Janeiru, Brasili
2014 Rock in Rio Lisboa VI Lisbona, Portugallu
2015 Rock in Rio VI Riu de Janeiru, Brasili
Rock in Rio Las Vegas I Las Vegas, Stati Uniti dâ Mèrica

Riu de Janeiru[cancia | cancia la surgenti]

Rock in Rio[cancia | cancia la surgenti]

A prima edizzioni du festival si svolsi da l'11 a lu 20 di jinnaru 1985. L'artisti principali di sta prima edizzioni foru; Queen, Scorpions, Iron Maiden, George Benson, Rod Stewart, AC/DC e Yes. Circa 1,5 miliuna ri pirsuni parteciparunu ne 10 jorni du festival.

Elencu di l'artisti ca si esibirunu a Rock in Rio:

Artisti munniali

Artisti brasiliani

Tutti e dui i cuncerti de Queen foru filmati (u 12 e u 13 di jinnaru) e trasmessi 'n tuttu u Sud America da Rede Globo. Ogni cuncertu vinni vistu ra quasi 200 miliuna ri pirsuni 'n oltri 60 nazziuni. Si dici ca l'esibizzioni di li Iron Maiden fu liggìnnària, inizziò esattamenti a mezzanotti menu dui minuti, pi cilibrari e promuoviri u loru ultimu discu Powerslave, ca cumprinneva a canzuni Two Minutes to Midnight. Nu eventu notu successi duranti a canzuni Revelations, quannu u cantanti principali Bruce Dickinson, jiu a sbattìri contru u manicu ra chitarra ri Dave Murray. U manicu u colì 'n frunti, rapennu na larga ferita e vagnannu u so visu ri sangu. Dickinson si cumpurtò comu si nulla fussi successu. Chris Frantz e Tina Weymouth, nnà ddù mumentu rispettivameni batterista e bassista ri Talking Heads, pigghìaru parti ò cuncertu ri B-52's. Si junceru a lu gruppu furanti a terza canzuni e cuntinuarunu a sunari cu iddi. I Queen foru l'artisti cchiù pagati, cu $600.000, pi li loru dui performance.

Rock in Rio 2[cancia | cancia la surgenti]

A secunna edizzioni di l'eventu si tinni propriu a Riu de Janeiru da lu 18 a lu 27 di jinnaru [[1991] a lu stadiu Maracanã. A esibirisi foru i Guns N' Roses, Prince e George Michael ca si esiberu 'n dui di li novi sirati di l'eventu; New Kids on the Block e A-ha na vota sula; tra l'avutri puru Faith No More, Judas Priest, e Megadeth.

Elenco di l'artisti ca si esibirunu a Rock in Rio 2:

Artisti munniali

Artisti brasiliani

Li A-ha stabilirunu u record munniali pi lu pubbricu paganti cchiù numirusu di la storia, cu 198.000 partecipanti (mentri tutti l'avutri artisti arrìcugghìeru 60.000 pirsunu). U cuncertu du 20 di jinnaru di Guns N' Roses vitti a loru prima apparizzioni cu novu batterista, Matt Sorum. U secunnu cuncertu ri George Michael, u 27 di jinnaru, ultimu jornu di l'eventu, fu caratterizzatu da la prisenza ri Andrew Ridgeley, so cumpagnu na li Wham!, ca si esibì nzemi a Micheal pi quarchi canzuni.

Rock in Rio 3[cancia | cancia la surgenti]

U terzu festival Rock in Rio, svoltusi nto 2001, vitti tra i principali artisti; Iron Maiden, Oasis, R.E.M., Red Hot Chili Peppers e Guns N' Roses. Li Iron Maiden rigistrarunu a loru esibizzioni e a pubbricarunu na l'album live Rock in Rio. I profitti di li vinnìti vinnìru dunati a la funnazzioni Clive Burr, ca aiutò l'ex batterista a pagari i criscenti spisi mediche pi la cura di la sclerosi multipla. A cchiù nutevoli apparizzioni di lu festival fu chidda du ritornu du gruppu rock mèricanu ri Guns N' Roses ca, tranni Axl Rose, unicu cumpunenti originali ru gruppu, era cumposta ra na nova furmazzioni. Nick Oliveri, u bassista ri Queens of the Stone Age si esibiu nuru pi parti du cuncertu e vinni arristatu pi atti osceni a la fini di lu stissu. Vinni rilassatu pocu dopu.

Elencu di l'artisti ca si esibirunu a Rock in Rio 3:

Artisti munniali

Artisti brasiliani

Rock in Rio 4[cancia | cancia la surgenti]

Tra fini sittèmmiru e inizziu uttuviru 2011 si è svolta a quarta edizzioni du Rock in Rio nto so piaisi d'origini. U festival accuminciò u 23 sittèmmiru e finiu u 2 di uttuviru. Alcuni di l'artisti ca parteciparu a sta edizzioni foru: Elton John, Red Hot Chili Peppers, Metallica, Stevie Wonder, Shakira, Coldplay e Guns N' Roses. Ra segnalari u ritornu 'n scena ri Guns N' Roses, ca cu la partecipazzioni a lu festival dannu inizziu a lu loru tour du 2011. Ogni jornu, 'n sta edizzioni vitti esibizzioni ri divìersi gruppi su divìersi palchi. I gruppi principali si sunnu esibiti ò “Palco Mundo”. Sunnu stati priparati avutri tri palchi: "Palco Sunset", "Eletronica" e "Rockstreet". Ne 7 jorni ri cuncerti si sunnu esibiti oltri 170 tra gruppi e artisti sulisti, tra i cchiù noti (oltri a chiddi già citati): Katy Perry, Rihanna, Snow Patrol, Motorhead, Slipknot, Sepultura, The Asteroids Galaxy Tour, Kesha, Jamiroquai, Joss Stone, Lenny Kravitz, Maroon 5, Evanescence e System of a Down.

Rock in Rio 5[cancia | cancia la surgenti]

Da lu 13 a lu 22 di sittèmmiru 2013 si tinni a 5° edizzioni du Rock in Rio, ca vitti a prisenza ri artisti famusi comu: Beyoncé, Muse, Justin Timberlake, Metallica, Bon Jovi, Bruce Springsteen e Iron Maiden.

Rock in Rio Lisboa[cancia | cancia la surgenti]

Dopu u granni successu ri Rock in Rio 3 'n Brasili, Roberto Medina dicisi ri organizzari nu eventu simili a Lisbona, Portugallu. A dicisioni ri mantiniri u nomu “Rock in Rio” fu contruversa e l'ideaturi 'n Brasili cuminsiarunu e a chiamarla Rock in Rio Tejo, richiamannu ò sciumi Tago (Tejo 'n purtughisi), ca scurri attraversu a capitali purtughisi.

Rock in Rio Lisboa[cancia | cancia la surgenti]

A prima edizzioni du Rock in Rio Lisboa, comu fu ufficialmenti chiamatu l'eventu, avvìnni nto 2004. Sippùru u festival canciò u nomu, rimasi a stissa struttura di l'edizzioni brasiliana. Pi l'occasioni fu costruita na intera “citati du rock”, cu n'area ri circa 200 km², nto parcu ri Bela Vista cu nu granni edificiu cintrali e assai tendoni 'n cui l'artisti sunavanu. Ò festival foru prisenti puru cilibritati comu Britney Spears, Metallica, Sting, Paul McCartney e Kings of Leon. Particulari a questioni ri l'assenza ri Guns N' Roses ca nunustanti a cunferma, foru custretti a cancillari u loru cuncertu ra l'eventu (e l'eventuali tour ca ni fussi seguitu) pi problemi riguardanti u gruppu (Buckethead vinni licenziatu) e i rigistrazioni dell'album Chinese Democracy.

Rock in Rio Lisboa 2[cancia | cancia la surgenti]

A secunna edizzioni ri Rock in Rio Lisboa fu tinuta nto 2006, cu persunaggi comu; Anastacia, Guns N' Roses, Shakira, The Darkness, Red Hot Chili Peppers, Carlos Santana, Roger Waters, Kasabian, Sting e assai avutri artisti.

Rock in Rio Lisboa 3[cancia | cancia la surgenti]

Nnà terza edizzioni ri Rock in Rio Lisboa fu scolta u 30 e 31 di maiu 2008 r u 6, 7 e 8 di giugnu [[[2008]]. I maggiuri artisti ca si sunnu esibiti sunnu stati: Bon Jovi, Metallica, Muse, Linkin Park e Offspring.

Rock in Rio Lisboa 4[cancia | cancia la surgenti]

A quarta edizzioni ri Rock in Rio fu svolta nto 2012. L'artisti cchiù acclamati 'n sta edizzioni sunnu stati; Bruce Springsteen, Metallica, Slipknot, Red Hot Chili Peppers, Linkin Park, Motorhead, System of a Down, Guns N Roses, Lenny Kravitz, Stone Sour, Evanescence e Maroon 5.