Purtali dî tradizzioni dâ Sicilia/Bùmmulu

Dâ Wikipedia, la nciclupidìa lìbbira.
Jump to navigation Jump to search
Bùmmulu.jpg

Lu bùmmulu è nu cuntinituri di terracotta, ca na vota vinìa usatu pi jìnchìrilu di acqua e mantinìrila frisca ppi tutta la jurnata. Havi la vucca stritta, spissu havi dù mànichi e nta la parti di sutta s'allarga e forma na speci di panza.

Ppô vinu vinìa usatu, nveci, na varianti cchiù nicaredda dô bùmmulu, cu na furma tanticchia cchiù scacciata e chissu vinìa chiamatu ciascu.
Nta arcuni bùmmuli vinìa fattu o centru di la panza nu purtuseddu ntuppatu cu nu lignuzzu: di ssù purtusu si biveva.