Papaya
La papaia (Carica papaya) è un fruttu trupicali urigginariu di l'Amèrica cintrali, ogghi curtivatu nta tanti riggiuni trupicali e subtrupicali dû munnu. Appartinenti â famigghia dî Caricaceae, crisci supra n'àrvulu chi pò agghicari a 10 metri di autizza e pruduci frutti ovali o alluncati, cu na peddi suttili virdi ca addiventa giarnu-aranciuni quannu è matura.
La carni dâ papaya è morbida e succusa, cu nu culuri aranciuni , e nu sapuri duci e liggirmenti muschiusu. Dintra cunteni nummarusi semenzi nìuri ricuperti di na sustanza gilatinusa, cummistìbbili ma cu nu sapuri amaru e pungenti.
Stu fruttu è riccu di vitamina C, vitamina A, putassiu e antiossidanti, ed è canusciutu pâ prisenza di l'enzima papaina, ca ajuta la diggistiuni di prutiini. Pi stu mutivu, la papaya è usata puru 'n supplimenti diggistivi e ntâ priparazzioni di cosmetici.
La papaya si po manciari frisca, nta suchi, frullati, nsalati di frutta o usata ntâ priparazzioni di duci e salsi. Nna certi cucini asiatici, la papaya nun matura veni usata nta l'insalati e nta li piatti salati.