Panelli
Li panelli (o paneddi) sunnu 'na cosa di manciari ca si fannu 'ntâ Sicilia uccidintali, tra Palermu e Trapani.
Si priparunu 'ccû la farina di cìciri vugghiuta, 'ccû l'acqua e lu pitrusinu. Quannu 'sta pastetta accumincia ad arrifriddàrisi, si stenni 'ncapu di 'nâ tavulidda di lignu quatrata. Quannu la paneḍḍa è fridda, si friji 'nta l'ogghiu càudu 'ppî 'nâ para di minuti.
Li panelli s'accàttanu 'nnî li Friggitorie e chiḍḍu ca friji li panelli si chiama Paniḍḍaru o Panillaru.
Di sòlitu si màncianu càudi càudi, 'n menzu d'un pani 'ccâ giggiulena.
Sunnu cunzidirati manciari pupulari picchì cùstano picca e fannu addubbari assai.
Modi di diri: sunnu Pani e panelli voli diri: "sunnu dui amicuna" oppuru si dici di dui ziti sempri 'mpiccicati l'unu 'ccû l'àutru.
