Muntiriali (AG)

Dâ Wikipedia, la nciclupidìa lìbbira.
Muntiriali
File:Rialmunti-Stemma.png
Muttu:  
Nomu ufficiali: Realmonte
Pruvincia: Girgenti (AG)
Superfici: 20 km²
Abbitanti: 4.419
Dinzitati: 221 ab./km²
Cumuni cunfinanti: Girgenti, Portu Empedocli, Siculiana
CAP: 92010
Prifissu telefònicu: +0922
Situ ufficiali: {{{situufficiali}}}

Muntiriali (prununzatu "Muntarriali" ntâ parrata lucali) è un cumuni di 4.419 abbitanti dâ pruvincia di Girgenti.

Giografìa[cancia | cancia la surgenti]

Muntiriali è un centru abbitatu nicu dâ pruvincia di Girgenti e è dista circa 15 Km dû capulocu (Girgenti).

Lu paisi è postu supra di na cullina levi ca s’affaccia supra lu mari; a ovest cunfina cu Siculiana dâ quali è dista 4 Km mentri a nord e a est cunfina cu Portu Empedocli dâ quali nn'è dista 7 Km.

Lu tirritoriu prisenta quoti autimètrichi criscenti prucidennu dû mari, di quota zeru a quota 400 m., a parti arcuni zoni ca si sùsunu (Munti Russu, Munti Russeddu, Munti Giampàulu, Munti Meli).

Lu prumuntoriu di Munti Russu surmuntatu dâ turri dû Camilliani

Lu centru abbitatu s’attrova ntâ fascia cumprisa tra 100 e 150 m. supra lu liveddu dû mari, cu na vista supra lu mari.

Ô tirritoriu appartèninu li zoni barniari di Baia di Capu Russeddu, Punta Granni, Pèrguli e Giallunardu c’òspitanu zoni chiani granni distinati a l'edilizzia d'astati e dî praji assai beddi.

L'arcu custeru ci havi na morfoluggìa assai varia ca cumprenni tratti di praja prufunna e tratti carattirizzati d’un sàutu cchiuttostu rilivanti dî 30 ê 100 m. n currispunnenza dâ lìnia di costa.

Lu tirritoriu prisenta aspetti paisaggìstici forti e mutèvuli pi caràttiri orogràfici e tipu di viggitazzioni.

La fascia custera è orograficamenti omogènia, nfatti prisenta lu tipu di "costa a piccu supra lu mari" pi quasi tutta la sò lunghizza, ma ntô stissu tempu crumaticamenti assai varia n quantu, prucidennu di est versu ovest, la culurazzioni dâ costa assumi toni ca vannu dû jancu, ô griciu-azzolu, ô russu, cu lu variari dû tipu di roccia. Midemma la viggitazzioni joca ccà un rolu ditirminanti supra li variazzioni crumàtichi, spiciarmenti ntê "zoni russi" (Muntirussu e Capu Russeddu), unni ô russu carcarinìticu videmu contrappostu lu virdi scuru dâ macchia miditirrània, fortimenti prisenti supra Muntirussu e Capu Russeddu, la quali furnisci n’effettu chiaruscurali forti.

Pi quantu riguarda la "zona janca" (Costa Janca e Scala dî Turchi), la macchia è prisenti n manera assai spuràdica, ccà l'effettu chiaruscurali sta vota è datu dî zoni d'ùmmira supra la pareti rucciusa causati dî currugamenti dî "calanchi" di quali è carattirizzatu stu trattu di costa, speci nta l’uri ca pricèdinu la ntrubburata.

N’elementu di ntiressi paisaggìsticu nutèvuli è rapprisintatu dâ Scala dî Turchi, custituuta di nu spiruni di marna janca pruminenti supra lu mari, ca li faldi digradanti a stratu cunfirìscinu n’aspettu assai suggistivu dî cuntrasti crumàtici forti siddu si penza a l'azzolu dû mari e dû celu contrappostu a lu jancu annurvanti dâ roccia.

La furma ca stu monumentu dâ natura assumi è chidda pi l'appuntu di na scalunata, unni secunnu la liggenna, duranti li nvasioni morìschi ca mpirvirsaru ntô '500, li turchi (sbagghiatamenti chiamati) apprudaru ntô tirritoriu di l'odierna Muntiriali acchianannu supra li stratificazzioni di sta falesia.

N’àutru elementu assai rilivanti nta sta zona è la Turri di Muntirussu, na turri dû sèculu XVI. tutt'ora ntatta situata supra lu midèsimu prumuntoriu cu na pusizzioni panuràmica eccizziunali, la quali câ Scala dî Turchi custituisci unu di l’elementi cardini dî biddizzi dû tirritoriu di Muntiriali.

Comu agghicari[cancia | cancia la surgenti]

Di l’ariuportu di Palermu o Trapani, autustrata n direzzioni Mazzara dû Vallu, nisciuta Castelvitranu , sèquiri ss.115 direzzioni Girgenti.

Di l’ariuportu di Catania, autustrata CataniaPalermu nisciuta Cartanissetta sèquiri ss. 640 pi Girgenti e ss.115 pi Muntiriali.

Lijami di fora[cancia | cancia la surgenti]