Mohamed Morsi

Dâ Wikipedia, la nciclupidìa lìbbira.

Mohammed Morsi (20 di austu 1951) è l'attuali prisidenti di l'Eggittu. Appartinenti ô partitu dî frati mussurmani, Morsi vincìu l'elizzioni prisidinziali dû 2012 contra nu canninatu appujatu di l'esercitu e di l' ancien regime di Mubarak. L'elizzioni avìanu statu assai cuntruversi, e â fini Morsi fu dichiaratu vincituri cu nu margini di vantaggiu assai nicu.

Furmatu comu ncigneri ê Stati Uniti, Morsi si sappi svinculari dû cuntrollu di l'esercitu, ca quannu addivintau prisidenti, circava di ridùrri li sò putiri. Cu na seri di dicreti, licinziau lu capu di l'esercitu e accuminciau a affirmari di manera cchioù forti lu sò putiri. St'azzioni, puru siddu fu salutata di l'opinioni pùbbrica di manera pusitiva, nquitau pirò l'ambienti laici dû Paisi. Quarchi simana addoppu Morsi prisintau nu dicretu cu cui si sunava na quantità di putiri assai mpurtanti, ô puntu ca pruvucau na unna di ndignazzioni cu prutesti di chiazza ca lu custrinceru picca tempu addoppu a ritirari lu dicretu.