Metropulitana di Catania

Metrupulitana di Catania

Statu	Italia 🇮🇹
Cità	Catania
Gesturi	FCE
Apertura	1999
Linii	1
Stazzioni	12
Longhezza	8,7 km
Scartamentu	1435 mm

La metropulitana di Catania è na lìnia di metrupulitana gistita dâ Ferrovia Circumetnea (FCE), a sirvizzu dâ citati metrupulitana di Catania. L'infrastruttura è di tipu "pisanti" e camina quasi tutta sutta terra.

Oggi la tratta attiva va dâ stazzioni di Stisìcuru nzinu a chidda di Munti Po, pi na longhezza di 8,7 km. Ci sunnu travagghi pi fari arrivari la metru nzinu all'Ariuportu e nzinu a Paternò.

Stòria

Li travagghi accuminciaru ntô 1986 pi trasfurmari lu vecchiu pircursu dâ Circumetnea ca passava ammenzu ê vii dâ citati. La metru vinni inauguirata lu 27 di giugnu dû 1999 cu 6 stazzioni (Borgu, Giuffrida, Italia, Galatea, FS e Portu).

Ntô 2016 vinni graputa la tratta Galatea-Stisìcuru e chidda nova di Giuvanni XXIII (vicinu a la Stazzioni FS). Lu 22 di giugnettu dû 2024 vinni graputu lu furgu versu punenti nzinu a Munti Po, passannu pi la stazzioni Funtana (vicinu l'ospidali Garibaldi).

Lu Cicluni Harry (2026)

Ntô jinnaru dû 2026, na botta di malutempu terribbbili purtata dû cicluni Harry fìci danni gravissimi. Li mariggiati distrujeru lu binarìu ca colla la stazzioni Galatea cu chidda dû Portu. Stu fattu lassau la metru isolata di l'officina di manutenzioni FCE di Paternò. Un trenu mudernu (CT1) arristau bloccatu sutta li detriti e tri treni intra la rimessa dû Portu foru sfasciati di l'acqua, cu un dannu di 8 miliuna di èuru.

Stazzioni attivi

Munti Po
Funtana
Nèsima
Santu Nuddu
Cìbali
Milu
Borgu
Giuffrida
Italia
Galatea
Giuvanni XXIII (Stazzioni FS)
Stisìcuru

Prulungamenti in custruzzioni

Attuarmenti la rita si sta allargannu versu sud (Ariuportu) e versu nord-ovest (Paternò). Li travagghi sunnu finanziati pi la pupulazzioni dâ Cità metrupulitana di Catania.

Tratta Stisìcuru - Palestro

Sta tratta suttirrania di 2,8 km permetterà, nzemi cu la futura tratta Palestro-Airuportu, di jiri dô centru nzinu a l'Ariuportu di Catania-Funtanarussa. Li stazzioni previsti sunnu:

Tratta Munti Po - Paternò

Stu prulungamentu di 11,5 km porta la metru fora dâ citati, trasfurmannu lu vecchiu binarìu dâ Circumetnea. Li stazzioni previsti sunnu:

Materiali rutabbili

Li treni usati sunnu elettrotreni muderni:

M.88 (Firema): Li primi treni, ciamati cu li nomi di li domini belliniani (Norma, Beatrice, Elvira, Zaira), di Rita (pi Rita Privitera) e Agata (la Santa Patrona).
CT0 (Titagarh-Firema): Treni novi trasuti in sirvizzu dû 2022. Unu di chisti è ciamatu Anna.