Marijuana

Dâ Wikipedia, la nciclupidìa lìbbira.
Simbolo convenzionale di nocività
Simbolo convenzionale di nocività
Sta vuci cunteni nfurmazzioni ca ponnu criari situazzioni di pirìculu e di danni. Li dati prisenti nun hannu nuddu valuri di stìmulu, ma sulu p'allustrari. Nun hannu, appoi, nuddu valuri priscrittivu mèdicu. Talìa l'avvirtenzi
Simbolo convenzionale di tossicità
Simbolo convenzionale di tossicità
Na chianta di Cannabis sativa.

La Marijuana è na droga fatta facennu siccari e sminuzzannu la chianta Cannabis sativa, ca veni accussì fumata. La marijuana è ditta droga liggera picchì nun duna lu risurtatu assai divastanti cumu fa' la Cocaina, ma è sempri piriculusa.

Effetti di la droga[cancia | cancia la surgenti]

L'effetti di la marijuana càncianu a secunna dû suggettu ca la fuma, di lu tipu e di li dosi.
L'effetti principali sunnu:

  • rischiu seriu d'astinenza e dipinnenza;
  • distursioni di la rialità;
  • rischiu sèriu di sviluppari schizzufrinìa;
  • rifressi mintali e fìsichi allintati;
  • calu timpuràniu dâ prissioni dû sangu;
  • nica eufurìa
  • fami cchiù dû sòlitu e mancanza di sinzazzioni d'èssiri chinu;
  • ànsia e nàusia, siddu si nni fuma assai.

Pi la pirsuna ca la fuma p'abbitùdini, st'effetti alleggiu alleggiu ponnu finiri, pirchì l'urganìsimu s'abbìtua e si stabbilizza

La marijuana siccata.

Usi tirapèutichi[cancia | cancia la surgenti]

'N Asia cintrali e ntâ Cina già dû 3000 a.C., la marijuana fu usata pi tantu tempu dâ medicina pupulari e macari aoggi veni usata dâ midicina muderna.
Servi pi fari turnari l'appititu ê malati di AIDS e pi fàricci calari la nàusia. Veni usata macari pi àutri malatìi:

  • Epilissìa: pi migghiurari l'umuri dû malatu. Lu bonu risurtatu s'appi nni assai casi.
  • Sclirosi multipla: veni usata ô postu dî calmanti.
  • Anorissìa: forti stimulanti di l'appititu.
  • Glaucoma: fa' calari la prissioni di l'occhiu dû 50%.

Statu ligali di l'usu dâ marijuana nti arcuni paisi[cancia | cancia la surgenti]

  • Australia: no ligali.
  • Belgiu: no ligali, si po' usari sulu sutta ô cuntrollu mèdicu.
  • Girmania: ligali, ma sulu pi 10 grammi.
  • Italia: ligali sulu intra a li lìmiti. Siddu si sùpiranu sti lìmiti, è riatu punitu cu 1-6 anni di càrciri.
  • Portugallu: ligali pô pussessu, no ligali pi l'accatta e vinni.