Marguerite Duras
Marguerite Duras, psiudònimu di Marguerite Donnadieu, (Gia Dinh 4 di aprili 1914 - Pariggi 3 di marzu 1996) è na scrittrici francisi.
Nasciuta vicinu a Saigon, nta chidda ca allura era l'Inducina francisi (oi Vietnam), e crisciuta nna na colonia francisi, la spirienza di l'infanzia e di l'adulescenza nna l'Asia jucaru nu rolu cintrali ntô sò travàgghiu.
Doppu la morti di sò patri, la famìgghia vivìu nti cunnizziuni ecunòmichi difficili, infruinzannu l'immaginazziuni di l'auturi. Ntô 1932 si trasfirìu 'n Francia pi studiari matimàtica, appoi liggi e scienzi pulìtichi a Pariggi. Duranti la Secunna Guerra Munniali, travagghiàu ntô Ministeru dî Culonii e fu attiva ntâ Risistenza, n'espirienza ca infruenzàu assai lu sò 'mpegnu pulìticu e littirariu.
Ntô 1943 pubbricau lu sò primu rumanzu, Les Impudents, ma fu cu Un barrage contre le Pacifique (1950) ca appi lu primu ricanuscimentu. Lu veru successu, pirò, vinni cu Moderato Cantabile (1958), ca ci fici varagnari lu Premiu di Mai e lu ricanuscimentu littirariu.
Spirimentatrici cu li formi narrativi, fu puru sciniggiatrici e rigista. Scrissi lu cèlibbri film Hiroshima mon amour (1959), riggìa di Alain Resnais, chi rivuluzziunau lu linguaggiu cinimatogràficu. Nta l'anni '70 e '80 diriggìu diversi film basati supra li sò rumanzi, comu India Song (1975)
La sò òpira cchiù canusciuta arresta L'Amant (1984), na storia autobiogràfica ambientata nna l'Indocina, chi vincìu lu pristìggiusu Premiu Goncourt e vinnìu miliuna di copi ntô munnu. Lu rumanzu fu adattatu pi lu cìnima di Jean-Jacques Annaud ntô 1992.
Duras fu puru na figura cuntruversa pô sò stili ùnicu e quarchi vota pî sò posizzioni pulìtichi radicali. La sò scrittura, essinziali, frammintata e spissu introspittiva, infruenzàu ginirazzioni interi di scritturi.