Marco Castello
Marco Castello (Saraùsa, 8 di sittèmmiru 1993) è nu cantauturi, polistrumentista e prudutturi discugràficu italianu. Attraversu a sò mùsica, hà spuriatu e attualizzatu u cantautoratu talianu dî anni '70, ispirànnusi ô jazz e all'R&B. A sò carattirìstica principali è l'usu di nu linguaggiu iònicu, ca metti 'n risaltu u cuntrastu tra biddizzi e squalluri dû munnu cuntimpuràniu
Biografìa
[cancia | cancia lu còdici]Nasciutu e crisciutu a Sarausa, doppu lu liceu annàu a studiari la trumbetta di jazz ntâ Civica di Milano.
Tornatu a Siracusa doppu ca si laureàu, canuscìu Erlend Øye dî Kings of Convenience, e trasìu ntô gruppu La comitiva[1][2], accumpagnànnulu nna nu tour mundiali.
Carrera
[cancia | cancia lu còdici]2020-2021: Contenta tu
[cancia | cancia lu còdici]Ntô 2020 dibuttàu cû sìngulu " Porsi ", ca anticipàu lu sò album di debuttu, Contenta tu, pubbricatu l'annu doppu dâ Bubbles Records (etichetta di Øye e Marcin Öz, co-prudutturi di l'album) e licinziatu 'n Italia a 42 Records. Stu discu cu forti rifirimenti â tradizzioni siciliana e tunali irònici, fu riggistratu a Birlinu cu Lorenzo Pisoni (bassu) e Leonardo Varsalona (tasteri).
Ntô 2022 pubbricau nu sìngulu 'n cullabburazzioni cu Fulminacci, Magari, ca Rolling Stone misi ô terzu postu dî 10 megghiu canzuni italiani pubbricati ḍḍu annu.
2023-prisenti: Pezzi della sera e vari cullabburazzioni
[cancia | cancia lu còdici]Ntô 2023 nesci lu sò secunnu album, Pezzi della sera, pubbricatu nnipinnentimenti funnannu la casa discugràfica Megghiu Suli. n'autra vota riggistratu a Birlinu, cu Lorenzo Pisoni ô bassu e Leonardo Varsalona ô keboard. Sta vota vidi puru la participazzioni di Stefano Ortisi (tastieri e sassufuni). Succissivamenti vèninu agghiunciuti li chitarri alèttrichi di Danny Bronzini e li cordi arrangiati e diriggiuti a Napuli dû Maestru Gigi Scialdone. Lu master è affidatu ê mani esperti di Gianni "blob" Roma. L'album è chiamatu accussì picchì tutti li riprisi scigghiuti foru riggistrati duranti li sissioni sirali e mentri li ascultava, lu bassista Lorenzo Pisoni esclamau “sunnu veramenti li pezzi dâ sira”, ma è puru nu jocu di palori câ deli siciliana ca è spartuta 'n pezzi duci e salati.
Ntô 2024, pigghiau parti ô sìngulu Mentre il mondo esplode, nchiusu nta l'album Māyā dû prudutturi DJ Mace, cu Ele A. Ntô stissu annu, ntô sò album Jazzplotation, li Calibro 35 scigghiù Marco Castello pi cantari na nova virsioni di Lunedì cinema, di Lucio Dalla e gli Stadio. Canzuna canusciuta pi èssiri la canzuna a tema dî sirati dî pillìculi ca furu trasmittuti su Rai lu primu jornu dâ simana.
Discugrafìa
[cancia | cancia lu còdici]Album 'n studiu
[cancia | cancia lu còdici]- 2021 – Contenta tu
- 2023 – Pezzi della sera
Sìnguli
[cancia | cancia lu còdici]- 2020 - Porsi
- 2020 - Torpi
- 2020 - Cicciona
- 2020 - Dopamina
- 2021 - Avò
- 2021 - Luminarie
- 2022 – Magari (feat. Fulminacci)
- 2023 - Dracme
- 2023 - Porci
- 2025 – Felini (cu Venerus)
Cullabburazzioni
[cancia | cancia lu còdici]- 2022 – Rire ( Nu Genea feat. Marco Castello, dall'album Bar Mediterraneo )
- 2024 - Muro, Rbsn feat. Marco Castello
- 2024 - Mentrie il mondo esplode ༊࿔ ( Mace feat. Marco Castello & Ele A, dall'album Māyā )
- 2024 – Lunedì cinema, (Calibro 35 feat. Marco Castello, dall'album Jazzploitation )
Noti
[cancia | cancia lu còdici]- ↑ Marco Castello - Pezzi della sera :: Le Recensioni di OndaRock, su OndaRock. URL consultato il 7 gennaio 2025.
- ↑ (EN) Marco Castello Songs, Albums, Reviews, Bio & M..., su AllMusic. URL consultato il 7 gennaio 2025.
