Mansur ibn Nasir

Dâ Wikipedia, la nciclupidìa lìbbira.
Jump to navigation Jump to search

al-Mansur ibn Nasir fu nu principi hammadida a Bejaia ntra lu 1088 e lu 1104. Sutta d'iddu accuminzò lu diclinu dû regnu hammadida. Puru siddu riniscìu a cunquistari l'Algiria a l'almoravidi cu l'aiutu dî beduini, nun si la firàu a cuntrullari sti tribbù.

Li strati e li rutti cummirciali divintaru cchiù piriculusi e s'assistìa ô diclinu dû commerciu e di l'agricultura. La mancanza di sicurezza ntî tirritòria nterni fici aumintari la mpurtanza dû cummerciu marìttimu, cosa ca fici addivintari lu portu di Bejaia lu centru cummiriciali cchiù mpurtanti, a dannu di l'antica capitali Qalaat Beni Hammad, la cui pupulazzioni addivintò cchiù picca a favuri di chidda di Bejaia.

La curti[cancia | cancia la surgenti]

La curti di Bejaia ê tempi di al-Mansur favuriva pueti e ntillittuali chi vinìanu di tuttu lu munnu mussurmanu. Tra chisti ci fu lu pueta sicilianu Ibn Hamdis chi nti una dî sò puisìi cèlibbra lu palazzu di al Mansur a Bejaia.