Luciano Moggi

Dâ Wikipedia, la nciclupidìa lìbbira.
Jump to navigation Jump to search

'Luciano Moggi' (Monticiano, lu 10 di giugnettu 1937) jèni nu diriggenti spurtivu e manager carcisticu talianu. Nti la sò carrèra hà statu diriggenti dâ Roma, dâ Lazziu, dû Turinu, dû Napuli e dâ Juventus. Scrivi accamòra pi lu jurnali Libero.

Carriera[cancia | cancia la surgenti]

Sunnu lu Napuli, lu Turinu e supratuttu la Juventus, li squatri unni fici megghiu la sò attivitati comu diriggènti. Cu lu Napuli vinciu la Coppa UEFA ntô 1989, lu Scudettu e la Supercoppa taliana nti lu 1990. Ô Turinu vinciu la Coppa Italia ntò 1993. Ma sunnu li dudici anni cu la Juventus chiddi chiù vincenti dâ sò carrera di diriggenti, e facennilu addivintari ntra li diriggenti carcistici chiù mpurtanti a niveddu nazziunali e ntirnazziunali; nti sti 12 anni Moggi e la Juventus vinciunu: 7 scudetti, 1 Coppa di li Campiuna, 1 [[Coppa Intircuntinintali, 1 Supercoppa Eurupea, 1 Coppa Italia, 4 Supercoppi taliani, jucannu autri tri finali fi Coppa di li Campiuna, dui di Coppa Italia e una di Coppa UEFA, ca appoi persi. Sutta a la sò gistioni, foru accattati un saccu di jucatura, na pocu ca nuddu canusceva prima e c'addiventaru puoi granni campiuna, comu Ciro Ferrara, Didier Deschamps, Zinedine Zidane, Edgar Davids, Filippo Inzaghi, Thierry Henry, Edwin Van der Sar, Gianluca Zambrotta, Gianluigi Buffon, Lilian Thuram, Pavel Nedved, Mauro Camoranesi, David Trezeguet, Fabio Cannavaro, Emerson, Zlatan Ibrahimović, Patrick Vieira, Adrian Mutu, Giorgio Chiellini, tutti cu sperti mossi di marcatu assai vantaggiusi pi la squatra jancuniura, nzemmula a autri allinaturi addivintati poi famusi nta tuttu lu munnu, comu Marcello Lippi (Campiuni dû Munnu poi câ Nazziunali taliana di cauciu nta lu 2006), Carlo Ancelotti e Fabio Capello. Sta gistioni jè arricurdata cu lu nomu di "triade", lu nzemi di diriggenti di la Juventus ca nzemmula cu lu Diretturi Generali Moggi aveva puru l'Amministraturi Dilijatu Antonio Giraudo e lu Viciprisidenti Roberto Bettega.