Lu Vernaculieri

Dâ Wikipedia, la nciclupidìa lìbbira.
(Rinnirizzata di Lu Virnaculieri)
Jump to navigation Jump to search

Lu Vernacolieri, (il Vernacoliere ntâ lingua taliana), eni na rivista satìrica minzili taliana ca eni basata a Livornu, Tuscana.
Accuminzau ntâ fini di l'anni sissanta comu na rivista simpricimenti 'n virnàculu e chiamata "Livornocronaca" nzinu a lu 1982 a appoi, alleggiu alleggiu, ma cu forza, addivintau famusa ortri li cunfini livurnisi e ora eni distribbuita nta l'Italia dû centru e dû nord.

Lu Vernacolieri eni famusu ppâ sò sàtira pupulari, grezza e assai "puliticamenti scurretta" comu di sàtira suciali, ô spissu scrivuta ntô dialettu di Livornu o nta ogni casu cu na mprunta di tuscanu.
D'intra la rivista ci sunnu tantu artìculi satìrici, e tantu fumetta.
Lu Vernaculieri eni na rivista ragguardevuli intra l'àutri rivisti taliani picchini nun ci havi pubbricità, cuprennu tutti li spisi ca vìnnita di lu jurnali e cu l'inzerti.

Lu funnaturi e lu currenti diritturi di lu Vernacolieri eni Mario Cardinali: iddu eni l'auturi da maggiuritati di li pezzi di sàtira pulitica, scrivuta nta nu buffu dialettu livurnisi.
Àutri mpurtanti auturi di lu Vernacolieri sunnu macari Federico Maria Sardelli, Daniele Caluri, Max Greggio, Marco Citi, Ettore Borzacchini, Andrea Camerini.

Taliati macari[cancia | cancia la surgenti]

Lijami di fora[cancia | cancia la surgenti]

Lu situ webbi dâ rivista