Karol Borsuk

Dâ Wikipedia, la nciclupidìa lìbbira.

Karol Borsuk (8 di maiu 1905 Varsavia24 di jinnaru 1982 Varsavia) era un matimàticu pulaccu.

Biografìa[cancia | cancia la surgenti]

Borsuk cuminciau li scoli a Varsavia, grazzi a l'avvintu di li forze àustru-ungàrichi chi scunfisseru li forze russi nta l'austu di lu 1915: li universitati passaru sottu lu cuntrollu di li pulacchi e rapidamenti crebbe na granni scola matimàtica li cui primi rappresentanti furonu Zygmunt Janiszewski e Stefan Mazurkiewicz cui seguiru Kazimierz Kuratowski e Waclaw Sierpinski.

Quannu Borsuk entrau a l'Universitati di Varsavia, pi studiari matimàtica, chista era un centru pi la ricerca 'n tupuluggìa, 'n sta disciplina Stanislaw Saks e Mazurkiewicz èranu prufissura a l'universitati e feceru nutìvuli prugressi nta la ricerca. Borsuk havi pressu la lauria nta lu 1927 e di lu 1929 cuntinuau li sò studi pi lu dotturatu, sottu la supervisioni di Mazurkiewicz, e fu premiatu nta lu 1930 pi la sò dissertazzioni supra li retrazzioni (pubblicata nel 1931) unni nvintau la tiurìa di li retrazzioni. Lu 26 aprili 1936 Borsuk sposau Zofia Paczkowska di cui ebbe dui bammini.

Lu secunnu centru matimàticu di ricerca 'n Pulonia a chel tempu era Liòpuli (Lwów); Borsuk duranti di li sò visiti cunobbe e fece amicizzia cu Stanislaw Ulam. Essi addifiniru lu cuncettu di "omeomurfismu epsilon" e lu cumportamentu di alcuni invarianti tupulòggici 'n trasfurmazzioni cchiù generali, producennu nu travagghiu sui "prudotti simmetrici" e ntroducennu n'idìa chi mudificava la cuncezzioni di lu prudottu cartesianu e chi portau a la custruzzioni di curiosi multiformi. A Liòpuli, Borsuk ncuntrava li matimàtici nta lu Scottish Café e cuntribbuì a suttoporri prùblemi chi vinìanu raccoti nu libbru di li stessi tenutu.

La carrera di Borsuk fu nterrotta di l'avvintu di la secunna guerra munniali quannu li tedischi nvaseru la Pulonia nta lu 1939, la sò vita addivinni stremamenti difficultosa: nfatti, era nta l'òttica di la Germania di porri fine a la vita ntellettuali, pi cui mannaru alcuni accadèmici nta li campi di cuncentramentu mentri àutra furonu ammazzati. L'Università di Varsavia s'urganizzau segretamenti e Borsuk cercau di farla arrimaneri attiva ma Kuratowski fu presu priggiuneru e iddu duvetti fuggiri e stari nascostu pi tutta la guerra.

A la fine di la guerra lu sistema sculàsticu era statu smantellatu pi cui Borsuk e Kuratowski giucaru nu rolu mpurtanti 'n sta ricustruzzioni. Borsuk addivinni prufissuri nta lu 1946 e passau nu pirìudu nta li Stati Uniti pressu l'Istitutu pi li studi avanzati di Princeton nta lu pirìudu di lu 1946 a lu 1947. Fu appoi nta l'Univirsitati di la California a Berkley duranti la sessioni di lu 1959 a lu 1960, e finalmenti a l'Universitati di lu Wisconsin a Madison nta l'annu accadèmicu 1963-1964.

Cuntribbuti[cancia | cancia la surgenti]

Influenzau fortementi lu sviluppu di la tupuluggìa nfinitu-dimensiunali supratuttu cu la sò tiurìa di li retrazzioni e la sò tiurìa di li formi c'addivinni lu principali argummentu di discussioni nta li sò seminara.

Nta lu 1936 ntrudusse la nuzzioni di li gruppi coomotopi e dopu la tiurìa di l'omotopia stàbbili: Borsuk ntrudusse macari lu cuncettu di lu divisuri di na mappa c'addiscusse nta lu 1956.

Addivinni vice diretturi di l'Istitutu Matimàticu di l'accademia pulacca di li scenzi e appoi mèmmiru unurariu di la sucietati matimàtica pulacca nta lu 1978, nta lu stessu annu urganizzau, a Varsavia, na cunfirenza ntirnazziunali di tupuluggìa e giummetrìa.

Vuci currilati[cancia | cancia la surgenti]

Culligamenti sterni[cancia | cancia la surgenti]